नारायणपुर, 30 दिसम्बर 2020। मुख्यमंत्री हाट बाजार क्लीनिक योजना के अंतर्गत नारायणपुर जिला के हाट बाजार म मरीज मन के उपचार सरलग चलत हे। मुख्यमंत्री भूपेश बघेल के विशेष पहल म मुख्यमंत्री हाट बाजार क्लीनिक योजना शुरू करे गए हे। तब ले जिला के 15 हाट बाजार मन म मुख्यमंत्री हाट बाजार क्लीनिक लगा के जरूरतमंद मरीज मन के मौका म ही ईलाज करे जात हे। जिला के हाट बाजार मन म लगाये गये हाट-बाजार क्लीनिक म 5 हजार 3 सौ 79 मरीज मन के निःशुल्क उपचार करे जा चुके हे।
जानबा हे के साप्ताहिक हाट बाजार म डाक्टर अऊ पैरामेडिकल टीम के ड्यूटी लगाए गए हे, जऊन निरधारित रोस्टर अनुसार साप्ताहिक हाट बाजार म बइठके बाजार अवइया मरीज मन के निशुल्क उपचार करत हें। हाट बाजार क्लीनिक म मरीज मन के ना केवल उपचार करे जात हे भलुक बीपी, शुगर, मलेरिया आदि के जांच घलोक करे जात हे। एखर अलावा माता मन अऊ शिशु मन के टीकाकरण घलोक करे जात हे अऊ जरूरत के मुताबिक ओ मन ल जीवनरक्षक दवाई मन के निःशुल्क वितरण घलोक करे जात हे। जिला म जून 2020 ले अब तक 5 हजार 3 सौ उन्यासी ले जादा मरीज मन के उपचार करे जा चुके हे। जेमां 2298 मनखे मन के मलेरिया जांच करे गए हे, जेमां ले 357 मनखे मलेरिया पॉजिटिव पाये गीस। अइसनहे 244 मनखे मन के रक्त अल्पता जांच अऊ उपचार करे गीस, 5 मनखे मन ल कुष्ट के पहिचान करे गीस। उहें 45 ओ रक्तचाप, 331 मधुमेह, 102 गर्भवती महिला मन के जांच, 154 शिशु मन के टीकाकरण, 240 नेत्र विकार संबंधी जांच अऊ उपचार, 214 डायरिया के प्रकरण अऊ 2272 आन जांच अऊ उपचार सामिल हे।
