बीजापुर, 30 दिसम्बर 2020। जिला ले एक बड़का घटना आगु आये हे। माओवादी मन के प्रेशर आईईडी ब्लास्ट म एक सीएएफ जवान घायल होगे। जेखर हालत गंभीर बताये जावत हे। घायल जवान के जिला अस्पताल म प्राथमिक उपचार के बाद रायपुर रेफर कर देहे गीस। ये घटना गंगालूर थाना क्षेत्र के हे। सड़क सुरक्षा म डीआरजी अऊ सीएएफ के जवान सर्चिंग म निकले रहिस। ये दौरान बुरजी अऊ पुसनार के बीच आईईडी ब्लास्ट होगे। एमा एक जवान जख्मी होगे। एसपी कमलोचन कश्यप ह घटना के पुष्टि करिन हे।
जानकारी के अनुसार, मउका म सर्चिंग म निकले जवान मन ल तीन आईईडी बरामद होए रहिस। जेमां ले दू ल निष्क्रिय कर देहे गीस अऊ एक ल निष्क्रिय करत बेरा ब्लास्ट होगे। जेखर चपेट म जवान रितेश पटेल आगे। सीएएफ जवान के दुनो पैर म गंभीर चोट आये हे। जेखर स्थिति अभी नाजुक बने हे। गंभीर हालत म चौपर ले रायपुर रेफर कर देहे गए हे।
