रायपुर, 02 जनवरी 2021। राज्यपाल सुश्री अनुसुईया उइके ह शुक्रवार के राजभवन म ई-समाधान वेबसाईट (https://esamadhan.cg.gov.in/) के लोकार्पण करिन। ये वेबसाईट के माध्यम ले राज्यपाल ल आम जनता द्वारा भेजे गए आवेदन पत्र मन ल संबंधित विभाग मन ल भेजे जाही। संग ही राजभवन सचिवालय द्वारा वो आवेदन मन उपर करे जावत कार्यवाही अउ विभिन्न विभागध्कार्यालय स्तर म लंबित आवेदन मन के ट्रैकिंग करे जा सकही। एखर ले राजभवन सचिवालय ल संबंधित विभाग ल भेजे गए आवेदन पत्र के स्थिति, निराकरण के अद्यतन स्थिति के मॉनिटरिंग करे म सुविधा होही। राज्यपाल ह कहिन कि आज के युग तकनीक के युग हे। हर जगह म तकनीक के उपयोग करे जावत हे। नवा तकनीक मन ले कार्य म गति अउ पारदर्शिता आथे। ई-समाधान प्रणाली ले आमजन मन के समस्या मन के जल्द ले जल्द समाधान होही।
एन.आई.सी. के अतिरिक्त राज्य सूचना विज्ञान अधिकारी श्री टी.एन. सिंह ह ये संबंध म बतइन कि ये वेबसाईट म राजभवन म आने वाला आवेदन मन ल स्कैन करके अपलोड करे जाही। ये वेबसाईट ल संबंधित विभाग, कलेक्टोरेट अउ विकासखण्ड कार्यालय तक जोड़े गए हे। आवेदन अपलोड करके ओला संबंधित कार्यालय मन म भेज देहे जाही। एखर ले अभी 3200 शासकीय कार्यालय मन ल संबद्ध करे गए हे। ओमन बतइन कि जोन-जोन कार्यालय म आवेदन पत्र अग्रेषित होवत जाहीे, वो स्थिति के जानकारी राजभवन सचिवालय ल मिलत जाही। संग ही आवेदक के मोबाईल नंबर म घलो एस.एम.एस. के माध्यम ले ये सूचना देहे जाही। मोबाईल म एस.एम.एस के ये सुविधा जल्द प्रारंभ करे जाही। श्री सिंह ह बतइन कि एमा विशेष बात ये हे कि जोन विभाग आवेदक के समस्या, मांग या शिकायत के अंतिम रूप ले निराकरण करही अउ करे गए कार्यवाही ले राजभवन सचिवालय ल अवगत कराही। ये वेबसाईट ल जनशिकायत निवारण विभाग ले संबद्ध कर देहे गए हे, जेखर ले संबंधित विभाग ल पृथक लॉगिन अउ पासवर्ड बनाये के आवश्यकता नई पड़ही। ये वेबसाईट शुरू होय ले राजभवन द्वारा आवेदन पत्रा मन ल संबंधित कार्यालय म भेजे बर पत्राचार करे म लगने वाला समय के बचत होही।
ये अवसर म राज्यपाल के सचिव श्री अमृत कुमार खलखो अउ विधिक सलाहकार श्री आर.के. अग्रवाल घलो उपस्थित रहिन।
