मुख्यमंत्री श्री भूपेश बघेल, पाली-तानाखार विधायक श्री मोहितराम केरकेट्टा के माताश्री के दशगात्र अऊ शोकसभा कार्यक्रम म होइन सामिल

रायपुर, 05 जनवरी 2021। मुख्यमंत्री श्री भूपेश बघेल अपन दू दिन के कोरबा दउरा के समय आज पाली-तानाखार विधायक श्री मोहितराम केरकेट्टा के गृह ग्राम पोलमी पहुंचिन अऊ उंखर स्वर्गीय माताश्री के दशगात्र अऊ शोकसभा कार्यक्रम म सामिल होइन। मुख्यमंत्री ह स्व. श्रीमती जुगरीबाई केरकेट्टा के फोटू उपर पुष्प अर्पित करके ओ मन ल श्रद्धाजंलि दीन अऊ शोकाकुल परिवारजन मन ले भेंट करके अपन संवेदना व्यक्त करिन।
ये बेरा छत्तीसगढ़ विधानसभा के अध्यक्ष डॉ. चरणदास महंत, स्कूल शिक्षा अऊ कोरबा जिला के प्रभारी मंत्री डॉ. प्रेमसाय सिंह टेकाम, राजस्व मंत्री श्री जयसिंह अग्रवाल, लोकसभा सांसद श्रीमती ज्योत्सना महंत, कटघोरा विधायक श्री पुरुषोत्तम कंवर, मरवाही विधायक डॉ. ध्रुव, ग्राम पंचायत पोलमी के सरपंच श्रीमती सुनीता केरकेट्टा, उपसरपंच श्री बद्री नारायण कैवर्त संग आन जनप्रतिनिधि अऊ गणमान्य नागरिक उपस्थित रहिन।