छत्तीसगढ़ निजी विश्वविद्यालय विनियामक आयोग के वर्चुअल बैठक ह बनइस वर्ल्ड रिकार्ड

रायपुर, 6 जनवरी 2021। राज्यपाल अनुसुईया उइके ल राजभवन म 17 दिसंबर के होय वर्चुअल बैठक बर गोल्डन बुक ऑफ वर्ल्ड रिकार्ड के प्रतिनिधि ह वर्ल्ड रिकार्ड के प्रमाण पत्र प्रदान करिन। राज्यपाल ह एखर बर धन्यवाद देवत हुए कहिन कि एखर बर छत्तीसगढ़ निजी विश्वविद्यालय विनियामक आयोग अऊ उंखर अध्यक्ष शिववरण शुक्ल बधाई के पात्र हे। एमा प्रदेश के 15 निजी विश्वविद्यालय जुड़े रहिस।  उच्च शिक्षा के गुणवत्ता ऊपर सार्थक संवाद होय रहिस। अइसे आयोजन ले अच्छा विचार मन के आदान-प्रदान होथे। ये अवसर म संस्था के प्रतिनिधि सोनल राजेश शर्मा ह बतइन कि आयोग के डाहर ले 17 दिसंबर के होय बैठक म प्रदेश के 15 निजी विश्वविद्यालय जुड़े रहिस। अइसे पहली अवसर रहिस कि कोनो वेबिनार निजी विश्वविद्यालय एक संग शामिल होय हो। लंबा बेरा तक आॅनलाइन बैठक होय हो। ये बैठक राज्यपाल उइके के मार्गदर्शन म होय रहिस। ये बैठक ल वर्ल्ड रिकार्ड म दर्ज करे गए हे। प्रमाण पत्र मिले के दौरान छत्तीसगढ़ निजी विश्वविद्यालय विनियामक आयोग के अध्यक्ष शिववरण शुक्ल, आयोग के सचिव रामजी द्विवेदी अऊ आयोग के प्रशासनिक सदस्य रेणु देशमुख घलो उपस्थित रहिन।