महिला मन ह गोधन एम्पोरियम म बेचिन 3200 रूपिया के घनजीवामृत : जैविक खाद अऊ कीटनाशक के रूप म हे उपयोगी

अम्बिकापुर, 7 जनवरी 2021। कला केंद्र मैदान के आगू गांधी स्टेडियम के घुसरती म संचालित गोधन एम्पोरियम म स्व सहायता समूह के महिला मन ह अब तक 4 कुंटल घनजीवामृत बेंचके 3 हजार 200 रूपिया आय प्राप्त करे हें। घनजीवामृत एक बहुत प्रभावशाली जैविक खाद ये जऊन पौधा मन के बढ़ोतरी अऊ विकास म उपयोगी हे। एखर से जमीन के उर्वरता बाढ़थे अऊ फसल म रोग नइ लगय। एक एकड़ खेत म एक क्विंटल घनजीवामृत के उपयोग करे जा सकत हे। एक पईत खेत जोतई के बाद घनजीवामृत के छिड़काव करे जाथे। समहू के महिला मन ह बताइन के अब तक करीब 20 क्विंटल घनजीवामृत तियार कर ले गए हे। पहिली येला 8 रूपिया प्रति किलों के दर ले बिक्री करे जात रहिस जऊन ल अब 10 रूपिया प्रति किलो के दर ले बेंचे जाही।