“दू पईडील सुपोषण बर’’ अभियान

जगदलपुर, 12 जनवरी 2021। “दू पईडील सुपोषण बर’’ अभियान के तहत् बस्तर जिला ल कुपोषण मुक्‍त करे बर सरपंच, आंगनबाड़ी कार्यकर्ता, मितानिन, युवोदय वालन्टीयर, सर्व शिक्षकगण, सर्व मण्डल संयोजनक के समन्वय बैठक आयोजित करके ग्राम स्तर म कार्यक्रम आयोजित करे जात हे। ये अभियान के अंतर्गत आंगनबाड़ी केंद्र मन म लइका मन के वजन घलोक लेहे जात हे। सुपोषण हफ्ता के समय महिला अऊ बाल विकास विभाग के अधिकारी-कर्मचारी मन के अलावा युवोदय के वालंटीयर पालक मन ल जागरूक करे के काम करत हें। संगेच युवोदय वालन्टीयर आंगनबाड़ी कार्यकर्ता के माध्यम ले कुपोषित लइका मन के पालक मन ले सुपोषण संगवारी चो किरीया के शपथ देवाए जात हे। सुपोषण हफ्ता म पालक, ग्रामवासी मन ल सुपोषण कार्यक्रम म सहभागिता देहे बर दान कार्यक्रम संचालित करे जात हे। जेमां आमजन मन ल दान बर प्रोत्साहित करके न्युनतम दान राशि 50 रूपिया के अपील करे जात हे। सबले जादा दान राशि सकेलईया वाले 03 मनखे ल मुख्यमंत्री ह सम्मानित करहीं। ग्राम स्तर म सुपोषण संदेश प्रदर्शन करइया वॉल पेंटिगं अऊ वॉल राईटिंग के काम करे जात हे। सर्वश्रेष्ठ प्रदर्शन अऊ संदेश लेखन कर्ता ल मुख्यमंत्री कोति ले सम्मानित करवाए जाही।
ग्राम स्तर म मोहल्ला क्लास संचालित करइया शिक्षक मन के माध्यम ले सुपोषण-खेलकुद प्रतियोगिता (कब्बड्डी, रस्सी खींच, बॉलीबॉल, कुर्सी दौड़) के आयोजन कोविड-19 के प्रोटोकॉल अनुसार सुरक्षित मापदण्ड के मुताबिक करे जात हे। जेमां ना केवल लइका भलुक ग्रामीण युवा वर्ग अऊ महिलाओं ल घलोक खेलकुद म सामिल करिस जा रहा हे। ग्राम स्तर म आयोजित कार्यक्रम म सबो जनप्रतिनिधियों ल सामिल करिस जा रहा हे। अऊमन 17 जनवरी 2021 के दू पईडील सुपोषण बर अभियान के तहत हर एक ग्राम म सुपोषण रैली, साइकल रैली के आयोजन करके जन भागीदारी बढ़ाए जाही।
दू पईडील सुपोषण बर अभियान के तहत 17 जनवरी 2021 के सायकल रैस आयोजित प्रतियोगिता रूट-चित्रकोट, तामडागुमड़-मिचनार मार्ग म प्रति 05 कि.मी. म ग्लुकोस पेयजल स्वास्थ्य सुविधा के व्यवस्था रखे जाही। ’’दू पईडील बर’’ सुपोषण म अनियान के तहत 17 जनवरी 2021 के चित्रकोट-तामड़गुमड़-मिचनार म मड़ई-मेला के आयोजन करे जाही। जेमां लोक नर्तक दल, शिल्पकार स्थानीय कलाकार ल आंमत्रित करके कार्यक्रम आयोजित करना अऊ मेला स्थल म स्थानीय कलाकार अऊ महिला समूह कोति ले उत्पादित सामाग्री के स्टॉल लगवाना अऊ मेला स्थल ल सुसज्जित करके जागरूकता बर प्रचार-प्रसार सामाग्री प्रदर्शन अऊ विविध कार्यक्रम आयोजित करे जात हे। सबो कार्यक्रम कोविड-19 के प्रोटोकॉल मुताबिक सुरक्षित मापदण्ड के मुताबिक कराए जाही।