चोर मन ह करिस घर म हाथ साफ, सोना ,चांदी अउ नगदी पार

धमतरी, 17 जनवरी 2021। शहर म चोरी के एक मामला आगु आये हे, जिहां चोर मन ह सोना, चांदी अउ नकदी रकम पार कर दीस। मिले जानकारी के अनुसार शिक्षिका अपन बहन के इहां गए रहिस। दूसर दिन जब बिहनिया वो अपन घर पहुंचिस त देखिस कि दरवाजा के ताला टूटे हुए हे। अंदर जाके देखिस त घर के सामान बिखरे पड़े रहिस अउ अलमारी खुले रहिस। शिक्षिका ह बतइस कि अलमारी के अंदर रखे 25 हजार के चांदी के करधन ,2 तोला सोना के झुमका,करीबन 1 तोला चांदी के सिक्का 10 नग, सोना के मंगलसूत्र 1, 2 जोड़ी चांदी के पायल अउ बैग म रखे 5 हजार नगद चोर पार कर लिस। पुलिस के अनुसार सोना चांदी नगद सहित कुल 70,000 के चोरी होय हे, जोन ल अज्ञात चोर द्वारा घर घुस के दरवाजा के ताला तोड़ के चोरी कर लेहे गीस। फिलहाल घटना के सूचना सिटी कोतवाली ल देहे गीस हे अउ कोतवाली पुलिस छानबीन म जुटे हे।