धान लेे भरे ट्रक के चोरी करइया आरोपी गिरफ्तार

रायपुर, 24 जनवरी 2021। धरसींवा विधानसभा क्षेत्र म धान ले भरे ट्रक के चोरी के मामला आगु आये रहिस। पुलिस विभाग ह ये मामला म आरोपी ल गिरफ्तार कर लेहे हे। 20-21 के रात के ट्रक वाहन अउ ओमा भरे 750 कट्टा धान के चोरी के घटना ल अंजाम देहे गए रहिस बतादन कि व्यवसायी अमित कुमार गोयल ह रिपोर्ट दर्ज कराये रहिस कि ओखर श्री खाटू श्याम राइस मिल ले धान समेत एक ट्रक चोरी होय हे। अपराध दर्ज होय के बाद पुलिस ह तीरतार के क्षेत्र के सीसीटीवी खंगालिन। पुलिस ल आरोपी के बारे म जानकारी प्राप्त होइस जेखर आधार म रायपुर डीडी नगर निवासी मधु सागर जोन प्रार्थी के रिश्तेदार के ट्रक चालाक हे ल पकड़ के पूछताछ करे गीस। पूछताछ म मधु ह ट्रक अउ ओमा भरे धान ल चोरी करना स्वीकार करिस।