कोरबा, 7 फरवरी 2021। कोहडिया चारपारा क्षेत्र म वो बेरा सनसनी फैलगे जब लोगन ह नहर म एक शव देखिन। सूचना मिले म सीएसईबी पुलिस पहुंचिन। कुछ ही देर म शव के पहिचान कर लेहे गिस। मृतक के पहिचान 28 वर्षीय राजेश कुमार चंद्रा के रूप म होइस। मृतक दर्री क्षेत्र के निवासी रहिस। अमर नगर क्षेत्र म ओखर वास्ता रहिस। दर्री पुलिस थाना म परिजन मन ह शिकायत दर्ज कराये रहिस कि युवक 2 फरवरी ले लापता हे। उक्तानुसार तीर तखार के क्षेत्र म ओखर तलाश होवत रहिस। इही बीच शनिवार के युवक मृत स्थिति म मिलिस। पुलिस के अनुसार मृतक ल मिर्गी के शिकायत रहिस अउ अब्बड़ बेरा ले ओखर उपचार चलत रहिस। लापता होय के बाद वो इहां कइसे पहुंचिस अऊ कोन तरह नहर म डूबीस, ये आगु के जांच म स्पष्ट हो सकही।
नाला म मिलिस युवक के लाश, 2 फरवरी ले पुलिस करत रहिस तलाश
