संतपाली के मीरा स्व-सहायता समूह आय बढ़ाए बर आन महिला मन ल करत हें प्रेरित

महासमुन्द, 17 फरवरी 2021। बसना विकासखण्ड मुख्यालय के लम्बर कलस्टर म बिहान योजनांतर्गत 17 महिला स्व-सहायता समूह सामिल हे। एमां ले ग्राम संतपाली म बिहान योजना के तहत् महिला स्व-सहायता समूह कोति ले अपन आजीविका बर कई ठन गतिविधि मन ल अपनाके सामाजिक अऊ आर्थिक क्षेत्र म सक्षम होए के प्रयास करत हें। मीरा महिला स्व-सहायता समूह के अध्यक्ष श्रीमती उषा राय अउ सचिव श्रीमती प्रीति भोई ह बताइस कि तीन साल पहिली सघन विकासखण्ड के तहत् सीआरपी चक्र विकासखण्ड कुरूद के दीदी मन के मार्गदर्शन म समूह के गठन करे गीस। जेमां समूह के सदस्य मन ले हर हफ्ता के बुधवार के दिन नियमित बैठक करे जात हे। जिहां बिहान के पंचसूत्र के पालन करे जात हे। जेखर आधार म चक्रिय निधि (आरएफ) राशि 15 हजार रूपिया अउ सामुदायिक निवेश कोष (सीआईएफ) के राशि 60 हजार रूपिया अउ बैंक लिकेंज के राशि एक लाख रूपिया स्वीकृत करे गए हे।
समूह के सदस्य मन ह बताइन कि पहिली ये राशि के उपयोग केवल लेन-देन म ही करे जात रहिस। फेर सेवाक्षेत्र के सहायक विकास विस्तार अधिकारी श्री आर.एस. चन्द्रवंशी, पीआरपी अउ बिहान योजना के टीम के मार्गदर्शन ले मल्टीपरस आटा चक्की 16 हजार रूपिया म खरीद के श्रीमती प्रीति भोई के मकान म स्थापित करे गए हे। आटा चक्की ले चांवल, गेहंू, चना, मशाला, मिर्च, हल्दी आदि पिसाई के काम करे जात हे। जेमां प्रति किलो पिसाई बर तीन रूपिया ले दस रूपिया तक प्राप्त होथे। रोजेच 20 ले 25 किलो सूखा अउ गीला सामान के पिसाई होथे। जेमां रोजेच ओ मन ल 250 ले 300 रूपिया तक के आय समूह ल मिल जाथे। जेखर से ओ मन काफी खुश हे। संग ही गौठान म समूह के 06 सदस्य मन कोति ले वर्मी खाद् निर्माण के घलोक काम करिस जा रहा हे। आज मीरा स्व सहायता समूह के सबो सदस्य मन कोति ले संचालित आजीविका ले बेहद खुश हे अऊ इनके कोति ले आन समूह मन ल घलोक आजीविका म जुड़ने बर प्रोत्साहित करिस जा रहा हे।