सुकमा, 18 फरवरी 2021। गांव वाले मन ल अब बरसात के दिन के आवागमन बर परेशानी के सामना नइ करना परय। सुकमा जिला के ग्राम गंजेनार ले होके बोहइया शबरी नदी म पुल बन जाय ले 6 पंचायत के गांव वाले मन ल आवाजाही म सुविधा होवत हे। उहें बरसात के दिन म नदिया के पूरा आए म भरे नदिया ल पार करे म जेन जान के जोखिम बने रहत रहिस ओखर से राहत मिल गए हे। ये पुलिया निर्माण ले सीमावर्ती राज्य उड़ीसा के गांव वाले मन ल घलोक आवामगन के सुविधा हो गए हे।
सुकमा जिला मुख्यालय ले करीबन 28 किलोमीटर दूरिहा शबरी नदी म 500 मीटर पुल के निर्माण होए ले गजेनार गांव वाले मन के संग कोडरीपाल, कावसीरास, बोरगुड़ा, गुम्मा, तालनार, अउर बुड़दी के गांव वाले मन ल आवामगन म होवइया परेशानी मन ले मुक्ति मिल गए हे। पहिली क्षेत्रवासी मन ल शबरी नदी के दूसर छोर म बसे गांव जाय बर पुजारीपाल, धोबनपाल, तालनार ले होके जाना परत रहिस, जेखर से ओ मन ल करीबन 45 किलोमीटर के अकतहा दूरी तय करना परत रहिस। वोमन डोंगा ले नदी पार करत रहिन जेखर से जान के जोखिम बने रहत रहिन। नदिया पार करत अक्सर हादसा हो जात रहिस। बरसात के मौसम म शबरी नदी उफान म होए के सेती डोंगा घलोक नइ चल पात रहिस। जरूरत होए म गांव वाले मन ल मजबूरी म सुकमा कोति ले नदिया पार करके जाना परत रहिस। अब ओ मन, पुल के माध्यम ले कम समय म आसानी ले नदी पार बसे गांव मन म आवागमन कर सकत हें। आप मन ल बताना जरूरी हे के उद्योग मंत्री श्री कवासी लखमा ह क्षेत्र वासी मन ले करे अपन वादा मन ल पूरा करत 09 फरवरी 2021 के छिंदगढ़ विकासखंड अंतर्गत ग्राम पंचायत गंजेनार म शबरी नदी म बने ये पुल के शुभारंभ करे रहिन। राज्य सरकार कोति ले उहां के स्थानीय जनता ल सुगम यातायात के सुविधा उपलब्ध कराए के उद्देश्य ले दुर्गम क्षेत्र मन के नदी-नाला मन म पुल के निर्माण करे जात हे।
नदी पार करे म अब नइ होवय जान जोखिम म डारे के भय : दुर्गम क्षेत्र के 06 ग्राम पंचायत के मनखे मन ल होवत हे आवागमन म सुविधा
