गोधन न्याय योजना ले ग्रामीण अर्थव्यवस्था ल मिलीस मजबूती

कांकेर, 18 फरवरी 2021। छत्तीसगढ़ सरकार कोति ले 20 जुलाई 2020 ले शुरू करे गए गोधन न्याय योजना ले ग्रामीण अर्थव्यवस्था ल मजबूती मिलत हे। ये योजना के तहत् गोबर खरीदके गौठान मन म वर्मी कम्पोस्ट बनाए जात हे। कांकेर जिला के 207 गौठान मन म 4 हजार 860 किसान मन एक करोड़ 80 लाख 74 हजार रूपिया के 90 हजार 371 क्विंटल गोबर के बेचे हें। जिला के 24 किसान मन ह 50 हजार ले एक लाख 37 हजार रूपिया तक के गोबर बेचे हें।
कांकेर जिला के कोयलीबेड़ा विकासखण्ड के गौठान मन म घलोक गोबर के खरीदी करे जात हे। ये विकासखण्ड के अकेल्‍ला हरनगढ़ (डोंडे) गौठान म 50 किसान मन ले 2 लाख 90 हजार रूपिया के एक हजार 452 क्विंटल गोबर के खरीदी करे गए हे । एखर अलावा जिला के स्व-सहायता समूह के महिला मन कोति ले 492 क्विंटल वर्मी कम्पोस्ट तियार करे गए हे। ये मां ले 477 क्विंटल वर्मी कम्पोस्ट ल 4 लाख 71 हजार रूपिया म बेंचे गए हे। समूह के महिला मन ह गोबर ले बनाये दीया बेचके 62 हजार रूपिया के अकतहा आमदनी प्राप्त करे हें।
कृषि विभाग ले मिले जानकारी के मुताबिक खरीदे गए गोबर ले महिला स्व-सहायता समूह मन ह 4 हजार 600 क्विंटल वर्मी कम्पोस्ट तियार करे हें, जेमां ले 3 हजार 345 क्विंटल वर्मी कम्पोस्ट ल 32 लाख 35 हजार रूपिया म बेंचे गए हे, जऊन बस्तर संभाग म सबले जादा बिक्री हे। नगर पंचायत चारामा के किसान सतीश यादव ह 51 हजार रूपिया, नगर पंचायत भानुप्रतापपुर के अमन तिवारी ह 51 हजार 764 रूपिया, बाबूदबेना के ठाकुर राम यादव ह 52 हजार रूपिया, नगरपालिका कांकेर के नमिता गुप्ता ह 52 हजार 276 रूपिया, कांकेर के छबीला खटीक ह 52 हजार 402 रूपिया, मरकाटोला के जेठमल यादव ह 53 हजार 664 रूपिया, बाड़ाटोला के अनिल यादव ह 55 हजार रूपिया, नगर पंचायत चारामा के चोवाराम यादव ह 56 हजार रूपिया, नगर पंचायत भानुप्रतापपुर के कविता डे ह 60 हजार रूपिया, साल्हेटोला के बेदम राम ह 60 हजार 560 रूपिया, मारवाड़ी के नंदलाल यादव ह 63 हजार 742 रूपिया अऊ नगर पंचायत चारामा के राधिका यादव ह 63 हजार 846 रूपिया तक के गोबर बेंचे हे।
अइसनहे नरहरपुर विकासखण्ड के ग्राम कुरना निवासी राजेन्द्र कुमार यादव ह 73 हजार रूपिया, नगरपालिका कांकेर के श्रवण यादव ह 74 हजार रूपिया, कांकेर के केशव कुमार साहू ह 75 हजार रूपिया, कुरना के गौरी बाई यादव ह 81 हजार रूपिया, नगर पंचायत भानुप्रतापपुर के राहुल सिंह ह 84 हजार रूपिया, नगरपालिका कांकेर के अमोल बेदरकर ह 86 हजार रूपिया, कांकेर के कोमल खटवानी ह 88 हजार 484 रूपिया, कांकेर के संजय कुमार गुप्ता ह 90 हजार 422 रूपिया, नगर पंचायत नरहरपुर के शिवप्रसाद साहू ह 93 हजार रूपिया, नगरपालिका कांकेर के दीपक कुमार खटवानी ह 96 हजार 450 रूपिया, नगर पंचायत भानुप्रतापपुर के निखिल सिंह राठौर ह एक लाख 26 हजार रूपिया अऊ नगर पंचायत चारामा के नीलकंठ यादव ह एक लाख 37 हजार 600 रूपिया के गोबर बेंचे हे।