रायपुर, 7 मार्च 2021। मुख्यमंत्री भूपेश बघेल ह महिला मन बर बड़का घोषणा करत हुए कहिन हे कि अंतर्राष्ट्रीय महिला दिवस के अवसर म महिला मन ल 8 मार्च के रोड सेफ्टी क्रिकेट वर्ल्ड सीरीज के आयोजित मैच के पास निःशुल्क मिलही। ओमन एखर बर जिला प्रशासन ल आवश्यक कार्रवाई करे के निर्देश जारी करे हे।
गौरतलब हे कि सड़क सुरक्षा के प्रति जागरूकता बढ़ाने राजधानी रायपुर के शहीद वीर नारायण सिंह अंतर्राष्ट्रीय क्रिकेट स्टेडियम म 5 मार्च ले 21 मार्च तक रोड सेफ्टी क्रिकेट टी-20 वर्ल्ड सीरीज के आयोजन करे जावत हे। ये वर्ल्ड सीरीज म भारत, बांग्लादेश, श्रीलंका, इंग्लैण्ड, साउथ अफ्रीका अऊ वेस्ट इंडीज कुल छः देश मन के लीजेंड्स टीम भाग लेवत हे। ये वर्ल्ड सीरीज म 17 मार्च के पहली अऊ 19 मार्च के दूसरा सेमीफाइनल तथा 21 मार्च के फाइनल मैच होही।
