बेमेतरा म महिला मन ल देहे गीस हर्बल गुलाल बनाए के प्रशिक्षण

बेमेतरा, 15 मार्च 2021। हर साल के जइसे ये पईत घलोक होली के तिहार ल रंगीन बनाए के तैयारी शुरू हो गए हे। एला देखत बेमेतरा जिला म महिला स्व-सहायता समूह मन कोति ले हर्बल गुलाल तियार करके होली ल सुरक्षित अऊ खुशहाल बनाए के तैयारी करे जात हे। हर्बल गुलाल बनाए बर कृषि विज्ञान केन्द्र बेमेतरा कोति ले ग्राम झालम के आदिवासी महिला स्व-सहायता समूह अऊ जय मॉं सरस्वती स्व-सहायता समूह ल वरिष्ठ वैज्ञानिक अऊ प्रमुख डॉ. जी.पी. आयम के मार्गदर्शन म हर्बल गुलाल बनाए के प्रशिक्षण देहे गए हे। होली के तिहार अवइया हे जेमां मनखे मन रंग-गुलाल के उपयोग करथें जेन कई रासायनिक चीज मन के उपयोग ले बनाए जाथे जेखर से चमड़ी म एलर्जी, आंखी म इंफेक्शन, दमा, अस्थमा, खुजली जइसे कई प्रकार के समस्या होथे, इही बात मन ल ध्यान म रखत कृषि विज्ञान केन्द्र बेमेतरा ह प्राकृतिक पदार्थ जइसे हरदी, पालक, परसा के फूल, चुकन्दर आदि के उपयोग करत चमड़ी बर सुरक्षित हर्बल गुलाल बनाए के विधि समूह के महिला मन ल सिखावत हे।