रायपुर, 15 मार्च 2021। छत्तीसगढ़ के कई क्षेत्र मन के सम्मानित विभूति मन ह इतवार के नवा रायपुर के शहीद वीर नारायण सिंह अंतर्राष्ट्रीय क्रिकेट स्टेडियम म रोड़ सेफ्टी टी-20 वर्ल्ड क्रिकेट सीरिज के अंतर्गत श्रीलंका लीजेंड्स अऊ इंग्लैंड लीजेंट्स के बीच खेले गे क्रिकेट मैच के आनंद लीन। पद्मश्री सम्मान ले सम्मानित श्रीमती ममता चंद्राकर, श्री भारती बंधु, श्री अनुज शर्मा, श्री अनूप रंजन पांडेय अऊ श्री मदन सिंह चौहान संग बहुत अकन विभूति मन ह मैच देखिन।
मुख्यमंत्री श्री बघेल के हुकुम म एखर बर विशेष प्रबंध करे गए रहिस। मुख्यमंत्री के हुकुम म 15 मार्च के साउथ अफ्रीका लीजेंड्स अऊ बांग्लादेश लीजेंड्स के बीच होवईया मैच बर मंत्रालय, संचालनालय अऊ सार्वजनिक क्षेत्र के उपक्रम मन के अधिकारी मन अऊ कर्मचारी मन ल फ्री पास देहे जाही। अइसनहे कोविड वॉरियर्स अऊ सफाई कर्मचारी मन ल 16 मार्च के इंग्लैण्ड लीजेंड्स अऊ वेस्टइंडीज लीजेंड्स के बीच होवईया मैच बर सशस्त्र सेवा के जवान मन ल निःशुल्क पास देहे जाही।
