छत्तीसगढ़ ल स्वच्छता म तीसरइया पइत देश म नंबर -वन बनाए बर मुख्यमंत्री ह जारी करीन स्वच्छता गीत

रायपुर. 21 मार्च 2021। मुख्यमंत्री दाऊ भूपेश बघेल ह आज छत्तीसगढ़ के स्वच्छता गीत ‘ स्वच्छ बने छत्तीसगढ़ ह, छत्तीसगढ़िया सबले बढ़िया’ जारी करीन। जाने माने बंबईया गायक अउ संगीतकार शंकर महादेवन ह ए गीत म अपन अवाज दीन।
भारत सरकार कोति ले आयोजित संसार के सबले बड़का स्वच्छता प्रतियोगिता ‘स्वचछ सर्वेक्षण -21’ म तीसरइया पइत नंबर -वन के पायदान म पहुँचे खातिर राज्य शहरी अउ विकास प्राधिकरन डाहर ले राज्य के स्वच्छता गीत बनाए गे हावय। एकर माघ्यम ले ये संदेश दिए गे हावे कि जन जन के सहयोग ले ही छत्तीसगढ़ स्वच्छता के ‘पागा’ ल तीसरइया पइत पा सकत हे। जानबा होवय कि छततीसगढ़ ह पाछू दू बछर ले स्वच्छता सर्वेक्षण 19 अउ 20 म देश म स्वच्छतम राज्य निरूपित करे हावय।