कोरबा, 24 मार्च 2021। रेलवे ट्रैक म एक युवक के ट्रेन लेे कटके मउत होगे हे। मृतक के नाम राजेश सिंह फोकट पारा निवासी बताये जावत हे। मिले जानकारी के अनुसार कोतवाली थाना क्षेत्र अंतर्गत सर्वमंगला ट्रैक के तिर बुधवार बिहनिया फोकट पारा निवासी राजेश सिंह के ट्रेन ले कटके मउत होगे। युवक ह आत्महत्या करिस या ओखर हत्या होय हे, एखर अभी पता नइ चल पाये हे। हादसा के जानकारी मिलत ही पुलिस मउका म पहुंचिन अऊ शव के पंचनामा करके पोस्टमार्टम बर भेज देहे हे। पुलिस मर्ग कायम करके जांच म जुटगे हे।
ट्रेन ले कटके युवक के मउत, पुलिस जांच म जुटीस
