छत्तीसगढ़ शासन ह छोटे अउ मंझोलन परिवार मन ल फेर दीस बड़का राहत

रइपुर, 01 अप्रैल 2021 बिरस्पत। छत्तीसगढ़ शासन ह छोटे अउ मंझोलन परिवार मन ल फेर बड़का राहत दीस हे। मुख्यमंत्री दाउ भूपेश बघेल अउ राजस्व एवं वाणिज्यक कर (पंजीयन) मंत्री श्री जयसिंह अग्रवाल ह आम नागरिक मन के सुविधा ल धियान म रखत अब भूमि के खरीदी बिक्री म शासकीय गाइड लाइन दर मन म 30 प्रतिशत के छूट के संगे —संग 75 लाख रूपिया तक के आवासीय मकान अउ फ्लेट उपर तको 31 मार्च 2022 तक पंजीयन शुल्क म दू प्रतिशत के छूट दिए हावय । राज्य शासन के वाणिज्यकर (पंजीयन) विभाग कोति ले जारी करे गेहे अधिसूचना के अनुसार अइसनत् संपत्ति जिंकर बाजार मूल्य 75 लाख रूपिया ले कम हवय या बराबर हे उहां आवासीय मकान अउ फ्लेटस के विक्रय बिलेख म पंजीयन शुल्क म प्रदत्त पंजीयन के दर दू प्रतिशत के छूट ल अब 31 मार्च 2022 तक बर बढ़ा देहे गे हे। ये छूट एक अप्रैल 2021 ले लागू होगे हावय।
उल्लेखनीय हावय कि वाणिज्यकर (पंजीयन) विभाग डाहर ले भूमि खरीदी बिक्री बर शासकीय गाईड लाइन दर म 30 प्रतिशत के छूट 31 मार्च 2021 जून तक देहे गे रिहिसे जेला अब 31 मार्च 2022 तक बर बढ़ा दिया गे हावय। ये दूनों प्रकार के छूट मिले ले छोटे अउ मंझोलन परिवार मन ल अपन मकान खरीदे के सपना पूरा हो सकही। राज्य शासन डाहर ले भूमि के क्रय विक्रय अउ मकान अउ फ्लेट म देहे जावत पंजीयन म छूट ले मकान अउ भूमि के खरीदी बर कम कीमत देना होही।