किसान आत्महत्या मामला म कलेक्टर कोति ले कड़क कार्रवाई, पटवारी निलम्बित, अपराध दर्ज

बेलासपुर, 02 अप्रैल 2021 शुकवार। जिला के तखतपुर विकासखंड के गांव राजाका्ंपा के किसान श्री छोटू कैवर्त के आत्महत्या के मामला म कलेक्टर डॉ. सारांश मित्तर के निर्देश म कड़क कार्रवाई करे गे हावय। तखतपुर के अनुविभागीय अधिकारी राजस्व कोति ले हल्का नंबर 10, निगारबंद के पटवारी उत्तम प्रधान त तुरते प्रभाव ले निलम्बित कर देहे गे हे। निलम्बन आदेश के अनुसार हल्का क्षेत्र म अवइया गांव म किसान मन के काम नइ करना अनुशासनहीनता अउ सिविल सेवा आचरण अधिनियम 1965 के प्रावधान मन के उल्लंघन हरे।
निलम्बन अवधि म पटवारी के मुख्यालय सकरी होही। निगारबंद पटवारी हल्के के प्रभार श्रीमती लक्ष्मी नायडू, पटवारी हल्का नंबर 11 को सौंपे गे हावय।
मृतक किसान छोटे कैवर्त, उमर 58 बछर के नाम म 0.70 एकड़ भूमि हवय अउ ओमा कोनो बैंक ऋण नइ रिहिसे। उन्कर एक बेटी के बिहाव हो गे हावय। दू झिन बेटा म एक झिन ड्राइवर अउ दूसर ह किसान हवय।
किसान आत्महत्या के सम्बन्ध म तखतपुर पुलिस कोति ले पटवारी उत्तम प्रधान के खिलाफ धारा 306 आईपीसी के तहत अपराध दर्ज करके अउ हिरासत म लेके वैधानिक कार्रवाई करे जावत हावय।