रइपुर 4 अप्रैल 2021 इतवार। केंद्रीय गृह मंत्री श्री अमित शाह ह आज मुख्यमंत्री दाउ भूपेश बघेल ल फोन करके उ्न्कर ले बीजापुर म होय नक्सली घटना के संबंध म विस्तृत चर्चा करीन । मुख्यमंत्री दाउ भूपेश बघेल ह केंद्रीय गृह मंत्री ल बीजापुर म राज्य अउ केंद्र के सुरक्षा बल अउ नक्सली मन के बीच होय मुठभेड़ के मैदानी स्थिति ले अवगत कराइन । मुख्यमंत्री ह कहीन कि मुठभेड़ म सुरक्षा बल मन ल होय क्षति दुखद हे । फेर सुरक्षा बल मन के हौंसला बुलंद हावय अउ नक्सली हिंसा के विरुद्ध ये लड़ाई हमीच मन जीतबोन ।
केंद्रीय गृह मंत्री श्री अमित शाह ह मुख्यमंत्री ले कहीन कि केंद्र सरकार अउ राज्य सरकार मिलके ये लड़ई ल बजुर जीतबोन । उन्मन कहीन कि केंद्र सरकार कोति ले तको जउन भी आवश्यक मदद होही वो राज्य सरकार ल देहे जाही । उन्होंने कहा की उन्होंने सीआरपीएफ के महानिदेशक को घटना स्थल पर जाने के निर्देश दिए हैं ।
मुख्यमंत्री दाउ बघेल ह कहीन कि नक्सल हिंसा ले प्रभावित क्षेत्र मन म होवत सरलग विकास काम ले गंवइ्हा मन के नक्सली मन ले मोह भंग होवत जावय अउ वोमन सरगल विकास के मुख्यधारा ले जुड़त हावय । स्वास्थ्य, शिक्षा अउ आने सुविधा अंदरूनी गांव मन तक सुलभ होवत हावय अउ नक्सली विचारधारा ले लोगन विमुख होवत हावय । एकर ले खिसिया के नक्सली मन अइसन हमला करके अपन उपस्थिति दर्ज कराए के उदीम करत हावय । राज्य सरकार न एकर ले डरइया हे अउ न अपन विकास काम मन ल हरेक गांव तक पहुुचाए के अपन संकल्प ले डिगइया हे।
