रइपुर, 07 अप्रैल 2021 बुधवार। मुख्यमंत्री दाउ भूपेश बघेल डाहर ले आज इहां अपन घरू कार्यालय म आयोजित वीडियो कॉन्फ्रेंसिंग के माध्यम ले राज्य के स्वयंसेवी, समाज सेवी संस्था, सामाजिक संगठन मन के पदाधिकारी मन ले राज्य म कोरोना संक्रमण के वर्तमान स्थिति अउ ये स्थिति ले निपटे के उपाय मन के संबंध म सुझाव अउ सहयोग के आग्रह करीन । मुख्यमंत्री दाउ भूपेश बघेल के आग्रह म स्वयं सेवी, समाज सेवी संस्था मन के पदाधिकारी अउ कइयो ठिन समाज के प्रमुख मन ह कई ठप उपयोगी सुझाव देहे के संगे— संग राज्य म कोरोना के रोकथाम बर शासन संग खांध म खांध मिलाके सहयोग के आश्वासन दीन हावय । संभागीय मुख्यालय मन म आयोजित ये वीडियो कॉन्फ्रेंसिंग म संभागीय कमिश्नर, सबे जिला के कलेक्टर, पुलिस अधीक्षक सहित स्वयंसेवी, समाजसेवी संस्था मन के पदाधिकारी अउ समाज प्रमुख संघरीन हावय । राज्य के सबो समाज के प्रमुख अउ संस्था के पदाधिकारी मन ह कोरोना के रोकथाम खाातिर तन-मन-धन ले सेवा के संकल्प दूहराइन हे। कई समाज प्रमुख मन ह कोविड सेंटर बर समाज के भवन, राशि, आवश्यक उपकरण अउ जरूरतमंद मन बर राशन के व्यवस्था संगठन अउ समाज कोति ले सहर्ष करे के बात कहीन।
मुख्यमंत्री दाउ भूपेश बघेल ह जम्मो स्वयंसेवी, समाज सेवी संस्था अउ समाज प्रमुख मन के सहर्ष सहयोग देहे के बात म उन्कर धन्यवाद ज्ञापित करत कहीन कि कोरोना संक्रमण के रोकथाम बर सबो समाज के लोगन मन ह पाछू दफे बढ़-चढ़के सहयोग दिए रिहिन हे, जरूरतमंद मन के मदद् करे रिहिन हे । उन्मन उम्मीद जताइन कि कोरोना संक्रमण के वर्तमान स्थिति ले निपटे बर हम सब मिलके काम करिंगे अउ ये लड़ई ल जीतींगे।
