रायपुर 11 अप्रैल इतवार। मुख्यमंत्री दाउ भूपेश बघेल कोति ले प्रदेश म कोरोना संक्रमण ले रोकथाम के उदीम मन म अउ तेजी लाने बर राज्य आपदा मोचन निधि ले पचास करोड़ रूपिया के राशि स्वीकृत करे गे हवय जउन ये मद म पूर्व म देहे गे 192.37 करोड़ रुपिया के उपराहा हे ।
दाउ बघेल ह बछर 2021- 22 बर प्रावधानित राशि म ले उपरोक्त पचास करोड़ रुपिया के राशि तत्काल स्वीकृत करके स्वास्थ्य विभाग ल देहे के निर्णय लेवत ये निर्देश देहे हवय कि स्वास्थ्य विभाग कोविड संक्रमण के रोकथाम बर नमूना मन के संकलन, स्क्रीनिंग , नवीन प्रयोग शाला मन के स्थापना, कोविड अस्पताल मन म आवश्यक सुविधा उपलब्ध कराए बर करे जाही ।
उल्लेखनीय हे कि एकर पहिली कईयो अकन मद मन ले पीछू एक बछर म 853 करोड़ रुपिया ले जादा राशि के आबंटन दाउ बघेल के निर्देश म कोविड नियंत्रण ले संबंधित कतकोन कार्य मन बर करे जा चुके हवय, जेमा जांच अउ उपचार के संगे —संग कइयोन स्तर मन म अधोसंरचना के विकास शामिल हवय। दाउ बघेल ह जम्मो जिला कलेक्टर मन ल अउ कइयोन विभाग मन ल निर्देश देहे हवय कि आर्थिक अउ कइयोन संसाधन मन के कोनो भी हालत म कोई कमी झन होवन देवय । मुख्य सचिव अउ अतिरिक्त मुख्य सचिव ले सरल्र्ग मॉनीटरिंग बर कहे गे हवय ।
