रइपुर 13 अप्रैल 2021 मंगल । मुख्यमंत्री दाउ भूपेश बघेल ह पवित्र रमजान महिना के शुभारंभ के अवसर म मुस्लिम समाज के संगे —संग आम जनता ल मुबारकबाद दीन हवय। दाउ बघेल ह अपन शुभकामना संदेश म कहीन हे कि रमजान नेकी, रहमत अउ बरकत मन के महीना हरे । ये महीना जिहां देश अउ दुनिया बर प्यार अउ भाईचारे के पैगाम लेके आथे, उहेंचे येह हमन ल आत्म- अनुशासन ले जिनगी जीए के प्रेरणा देथे ।
उन मन अपील करीन हे कि कोरोना संक्रमण ल ध्यान म रखत सबो झिन घरेच म रहैं अउ सुरक्षित रहैं । संकट के ये समय म लॉकडाउन अउ फिजिकल डिस्टेसिंग के पालन करत रमजान के महीना के इबादत तको अपन-अपन घरेच म करैं।
कोरोना संकट के स्थिति ल देखत प्रदेश के कइयो अकन जिला मन म लॉक डाउन लगाए गे हवय, जम्मो लोगन लॉक डाउन के पालन करैं, संगे —सग कोरोना संक्रमण ले बचाव के उपाय मन के पूरा चेतलग अउ सावधानी के संग पालन करैं।
