उत्तर बस्तर कांकेर 19 अप्रैल 2021 सम्मार। जउन लोगन छत्तीसगढ़ राज्य या बस्तर संभाग ले बाहिर परिवार सहित या व्यक्तिगत रूप ले गे रिहिने, अब वोमन कोरोना संक्रमण ल देखके अपन घरू—गांव अउ जिला लहुटत हे । उन मन ल नगरीय, ग्ंवई क्षेत्र म स्थापित क्वारिनटाईन सेन्टर मन म ठहिराए बर कलेक्टर श्री चंदन कुमार ह जम्मो एसडीएम,जनपद सीईओ अउ बीएमओ ल निर्देशित करत क्वारिनटाईन सेन्टर मन म जम्मो व्यवस्था सुनिश्चित करे बर निर्देशित करे हे,कि प्रत्येक क्वारिनटाईन सेन्टर बर प्रभारी अधिकारी नियुक्त करके उही गांव म पदस्थ कर्मचारी मन म ले एक ठिन दल गठित करैं, जेमें हल्का पटवारी, ग्राम पंचायत सचिव, आंगनबाड़ी कार्यकर्ता, शिक्षक, ग्रामीण कृृषि विस्तार अधिकारी, वन रक्षक म ले होवय । कहू पहिलीच ले कोरोना बचाव दल हावय त उहीच दल ल क्वारिनटाईन सेन्टर मन के बेवस्था के जिम्मेदारी देहे जा सकत हे ।
क्वारिनटाईन सेन्टर म उन्कर सुते के, अंजोर के, पानी—कांजी के, पंखा अउ जलपान भोजन आदि के बेवस्था संग साफ-सफई, स्वच्छता उपर विशेष ध्यिान देवयं,क्वारिनटाईन सेन्टर मन म सेनेटाईजर अउ हाथ धोए बर साबुन के बेवस्था करे बर तको निर्देशित करे गे हवय ।
