रइपुर 01 मई 2021 । मुख्यमंत्री दाउ भूपेश बघेल ह आज राजधानी स्थित अपन घरू कार्यालय म वीडियो कॉन्फ्रेंंसंग ले छत्तीसगढ़ म 18 ले 44 बछर के लोगन मन ल निःशुल्क कोरोना टीका लगाए के महाअभियान के शुभारंभ करीन। ओ मन ये बेरा म भेलाई-दुरूग, रइपुर अउ बेलासपुर म कोविड-19 के टीका लगवइया लोगन मन ले चर्चा करीन अउ उन ल कोरोना संक्रमण ले बाचे बर नियम मन के पालन करे के सलाह तको दीन। उन मन अभियान म जुटे टीकाकरण टीम अउ टीका लगवइया लोगन मन ल बधई अउ शुभकामना दींन।
जानबा होवय कि छत्तीसगढ़ देश के अल्ली राज्य हरे, जउन 18 बछर ले आगर उमर के लोगनन मन बर निःशुल्क कोरोना टीका लगाए के शुरूआत आज 1 मई ले शुरू कर देहे । ये बेरा म स्वास्थ्य मंत्री श्री टी.एस. सिंहदेव, गृह मंत्री श्री ताम्रध्वज साहूूूूूूूूूू, कृषि मंत्री श्री रविन्द्र चौबे, वन मंत्री श्री मोहम्मद अकबर, राजस्व मंत्री श्री जयसिंह अग्रवाल, महिला एवं बाल विकास मंत्री श्रीमती अनिला भेंड़िया, उद्योग मंत्री श्री कवासी लखमा, खाद्य मंत्री श्री अमरजीत भगत, स्कूल शिक्षा मंत्री डॉ. प्रेमसाय सिंह टेकाम, लोक स्वास्थ्य यांत्रिकी मंत्री गुरूरूद्र कुमार, उच्च शिक्षा मंत्री श्री उमेश पटेल तथा विधायक श्रीमती रश्मि सिंह अउ विधायक श्री देवेन्द्र यादव वीडियो कॉन्फ्रंसिंग के माध्यम ले संघरीन । टीकाकरण के शुभारंभ बेरा म मुख्य सचिव श्री अमिताभ जैन, अपर मुख्य सचिव श्री सुब्रत साहू, मुख्यमंत्री के सचिव श्री सिद्धार्थ कोमल सिंह परदेशी तको संघरे रिहिन ।
मुख्यमंत्री दाउ बघेल ह अभियान के शुभारंभ करत कहीन कि कोरोना संक्रमण ले बचाव बर टीकाकरण एक महत्वपूर्ण हथियार हरे। एकर ले राज्य म कोरोना ल हरोए म बजुर सफलता मिलही। उन मन बताइन कि एमा अभी 18 बछर ले आगर उमर के लोगन के टीकाकरण बर अंत्योदय राशनकार्डधारी मन ल प्राथमिकता देहे गे हे ।
मुख्यमंत्री दाउ बघेल ह कहीन कि कोरोना संक्रमण ले बचाव अउ रोकथाम बर कोविड अनुकूल बेवहार के तको पालन करना आवश्यक हे। ये बूता म सबो वर्ग के लोगन के भरपूर सहयोग मिलत हे अइसनेहे एकजुटता ले राज्य म कोरोना ल हरोए म बजुर सफल होंबोन ।
