धमतरी 4 मई 2021 मंगल। जिला म कोविड-19 के संक्रमण अउ अस्पताल मन म मरीज के संख्या सरलग बाढ़ते जावत हेे जेकर ले वेंंटिलेटर अउ ऑक्सीजन के अबडत्रेे आवश्यकता रिहिसे. कोरोना मरीज मन ल नवा जिनगी देहे बर जिला के सांसद अउ विधायक मन सहयोग बर आगू आए हे. सिहावा विधायक डाॅ. लक्ष्मी ध्रुव अउ धमतरी विधायक रंजना साहू आज जिला अस्पताल पहुंचके 8 वेंटिलेटर अउ 300 नग डी टाइप जम्बो ऑक्सीजन सिलेंडर अस्पताल प्रबंधन ल भेंट करीन.
महासमुंद सांसद चुन्नीलाल साहू ह सांसद निधि ले 10 लाख रूपिया, नगरी विधायक डाॅ. लक्ष्मी साहू 25 लाख रूपिया, कुरूद विधायक अजय चंद्राकर 30 लाख रूपिया अउ धमतरी विधायक रंजना साहू ह 20 लाख रूपिया के सहयोग राशि विधायक निधि ले दीन हावयंं.
जिला म कोविड टेस्ट के प्रकरण म ले लगभग 25 ले 30 प्रतिशत लोगन पॉजिटिव मिलत हवय, जउन चिंतनीय हे.गम्भीर मरीज मन के इलाज म वेंटिलेटर अउ ऑक्सीजन युक्त बिस्तर केे अतिरिक्त आवश्यकता पड़त हवय.
कलेक्टर मौर्य ह सांसद अउ विधायक मन के प्रति आभार प्रकट करत कहिन कि वैश्विक आपदा के बेरा म जनप्रतिनिधि मन आमजनता के स्वास्थ्य बर संवेदनशीलता देखाइन. एकर ले गम्भीर मरीज जउन जिनगी-मउत के बीच झूलत हे,उन ल नवा जिनगी मिलहीं।
मुख्य चिकित्सा अउ स्वास्थ्य अधिकारी डाॅ. डी.के. तुरे ह बताइन कि जिला के सांसद-विधायक मन के आर्थिक सहयोग ले जिला अस्पताल ल 300 नग डी टाइप जम्बो ऑक्सीजन सिलेंडर पाइपलाइन सहित मिले हावय जेमा 100 नग सिलेंडर मिलगे हे बाचत 200 नग के खेप 4 ले 5 दिन म मिल जही।
साभार लल्लूरामण.कॉम
