इमरजेंसी केयर टेक्निशियन पाठ्यक्रम राज्य के सबो मेडिकल काॅलेज मन म शुरू होही

रइपुर 05 मई 2021 बुधवार। कोविड महामारी के बेरा इमरजेंसी केयर के अबड़े आवश्यकता होथे। एला धियान म रखत राज्य के सबो मेडिकल काॅलेज मन म इमरजेंसी केयर टेक्निशियन के 01 वर्षीय सर्टिफिकेट प्रशिक्षण पाठ्यक्रम प्रारंभ करे जावत हे। एमा प्रवेश बर 12वीं परीक्षा भौतिकी,रसायन, जीवविज्ञार संग उत्तीर्ण होना आवश्यक होही। येे कोर्स म एक्सरे, पेथोलाॅजी, पैरामेडिकल टेक्निशियन आदि के पाठ्यक्रम संचालित करे जाही। प्रदेश के 06 ठिन शासकीय मेडिकल चिकित्सा महाविद्यालय – रइपुर, बेेलासपुर, जगदलपुर, रायगढ़, राजनांदगांव अउ अम्बिकापुर म ये पाठ्यक्रम लउहेेच संचालित करे जाही। ये संबंध म चिकित्सा शिक्षा विभाग ह काली स्वीकृति आदेश जारी करीन।