बिजली विभाग के मैदानी क्षेत्र के अधिकारी-करमचारी कोविड प्रोटोकॉल के पालन करत बूता करयं: दाउ भूपेश बघेल

रइपुर, 5 मई 2021 बुधवार। मुख्यमंत्री दाउ भूपेश बघेल आज अपन घरू कार्यालय म आयोजित वर्चुअल बइठका म प्रदेश के अबड़ अकन जिला के पावर कम्पनी के मैदानी क्षेत्र के अधिकारी-करमचारी मन संग चर्चा करत उंंखर बूता अउ उंंखर समस्या मन के जानकारी लीन। कोविड संक्रमण काल म विद्युत विभाग के मैदानी अमला के अधिकारी-करमचारी मन डाहर ले बिजली उत्पादन संग विद्युत सप्लाई के बूता निर्बाध अउ सुचारू रूप ले करे के जानकारी मिले म मुख्यमंत्री ह प्रसन्नता प्रकट करीन अउ उन ल बधई् दीन। मुख्यमंत्री कहीन कि ये कठिन बेरा म तको सबो अधिकारी-करमचारी कोविड प्रोटोकॉल केे कड़ई से पालन करैं अउ अपन अउ अपन परिवार के सुरक्षा के धियान रखके बूता करैं । बइठका म मुख्य सचिव श्री अमिताभ जैन, मुख्यमंत्री के अपर मुख्य सचिव श्री सुब्रत साहू, सचिव श्री सिद्धार्थ कोमल सिंह परदेशी, ऊर्जा विभाग के विशेष सचिव अउ बिजली कम्पनी मन के अध्यक्ष श्री अंकित आनंद तको संघरीन ।
मुख्यमंत्री ह बइठका म कहीन कि लॉकडाउन के सेेति लोगन घरेच म हेे अउ गर्मी के मौसम हे,तेकर सेति सबो ल बिजली के आपूर्ति के संगे संगग विशेष रूप ले किसान मन के सिंचाई पम्प के ऊर्जीकरण के लंबित प्रकरण मन उपर लउहे कार्यवाही करत उन ल बिजली कनेक्शन देहे जाय । किसान मन के 32 हजार सिंचाई पम्प के कनेक्शन देेहे जाना हे, कई ठिन जिला म ये दिशा कोति बने बूता होय हे । लगभग सबे जगा टेंडर प्रक्रिया पूरा कर लेहे गे हे। लॉकडाउन के बाद स्थिति सामान्य होए म सिंचई पम्प मन ल बिजली कनेक्शन देहे जाय।
अधिकारी-करमचारी मन ह 18 बछर ले उपराहा उमर के लोगन ल कोविड टीकाकरण कराए के आग्रह मुख्यमंत्री ले करीन । मुख्यमंत्री ह संबंध म सबले पहिली छत्तीसगढ़ ह प्रधानमंत्री जी ले 18 ले 44 बछर उमर समूह के लोगन के वैक्सीनेशन कराए के आग्रह करे रिहिन हे । राज्य सरकार 18 ले 44 बछर के उमर समूह के मनखे मन ल निःशुल्क वैक्सीनेशन कराए बर प्रतिबद्ध हेे। जइसे-जइसे वैक्सीन डोज उपलब्ध होही, ये आयु वर्ग के लोगन के तको लउहे टीकाकरण करे जाही ।
बइठका म संंघरे बिजली कम्पनी के अध्यक्ष श्री अंकित आनंद ह बताइन कि कर्मचारी कल्याण के अंतर्गत कोविड संक्रमित विभागीय अधिकारी-कर्मचारी मन ल इलाज बर मानक दर ले इलाज बर कुल आकलित खरचा के 90 प्रतिशत राशि मेडिकल एडवांस के रूप म देहे जावत हें । संविदा कर्मी मन ल तको 50 हजार रूपिया तक मेडिकल एडवांस देहे जावत हे ।
बइठका म दुरूग, रइपुर, कोण्डागांव, जांजगीर-चांपा, बस्तर, महासमुन्द, गरियाबंद, गौरेला-पेण्ड्रा-मरवाही, रायगढ़, कांकेर, बालोद अउ कोरबा जिला के विद्युत विभाग के मैदानी अमला के अधिकारी-कर्मचारी संघरीन ।
मुख्यमंत्री ह कोरबा जनरेशन कम्पनी के अधिकारी मन ले उहां प्लांट के संचालन के बारे म जानकारी लीन। कहीन कि बिजली उत्पादन के बूता महत्वपूर्ण हे,कोनो ल सर्दी, बुखार होवय त उन मन अलग रखै, जेकर ले संक्रमण झन होवय । उंखर इलाज करावयं। प्लांट म बाहरी मनखे प्रवेश झन करैं। मुख्यमंत्री दाउ बघेल ह कोयला आपूर्ति केे तको जानकारी लीन। अधिकारी मन बताइन कि पर्याप्त कोयला उपलब्ध हे।
चर्चा के बेरा रइपुर जिला के श्री महेश्वर सिंह साकार बताइन कि ऑनलाइन, टेलीफोन अउ मोर बिजली ऐप ले मिलत जम्मो शिकायत के लउहे निराकरण करे जावत हे । रिसाली ले श्री राजेश पांडे (जूनियर इंजीनियर) बताइन कि काम करेे म कोई परेशानी नइ हेे । मुख्यमंत्री कोति ले बिजली खपत के जानकारी मांगे म श्री पांडे बताइन कि लॉकडाउन म शहरी इलाका म खपत कुछ बाढ़े हे। बस्तर क्षेत्र के कनिष्ठ अभियंता श्री प्रशांत कुमार बताइन कि कार्य स्थल म अधिकारी-करमचारी मन सेनेटाईजर अउ मास्क के उपयोग करथेे।
सरगुजा ले सहायक अभियंता श्री संतोष कुमार,जांजगीर चांपा के कनिष्ठ अभियंता श्री महेश जयसवाल, बालोद ले गोकुल देवांगन सहायक लाइनमैन बताइन कि वोमन फील्ड म मास्क लगाथेे कोविड प्रोटोकॉल के पालन करत हे। रायगढ़ के कनिष्ठ अभियंता श्री मनीष कुमार साहू बताइन कि 300 पम्प, धरमजयगढ़ म 53 पम्प, बेमेतरा के सहायक अभियंता श्री गुलाब राम बताइन कि 2 हजार 177 पम्प ल बिजली कनेक्शन देहे गे हे। महासमुन्द के अधिकारी मन बताइन कि जिला म एक हजार पम्पों ल बिजली कनेक्शन देहे गे हेे।