बेमेतरा 07 मई 2021 शनिच्चर । जिला म पाछू कुछु दिन ले लॉकडाउन म अंतर्राज्यीय अउ अंतर्जिला परिवहन बर अबड़ झिन मन ऑनलाइन ई पास बर आवेदन करत हवय। एमा कलेक्टर श्री शिव अनंत तायल ह जिलावासी मन ले अपील करे हवयं कि कोविड 19 के बाढ़त संक्रमण के सेति ये जरूरी हे कि लोगन अनावश्यक रूप ले आने राज्य अउ जिला म कहूं अतिमहत्वपूर्ण बूता नइ होवय त झन जावयं। एकदमेच आवश्यक/इमरजेंसी म ई-पास बर आवेदन करैं। ई-पास बर अपर कलेक्टर श्री संजय कुमार दीवान नोडल अधिकारी हवयं। उन्कर मोबाईल नम्बर 9406017077, 7000730811 हे, उन्कर सहायता बर सहा. अधीक्षक भू-अभिलेख बेमेतरा श्री राधाकिशन 7745977600 हे।
ई-पास जारी करे म आवत बेवहारिक दिक्कत ल देखत अब ऑफलाईन पास तको जारी करे जावत हे । दूसर राज्य म जाए बर निर्धारित प्रारुप म आवेदन संयुक्त जिला कार्यालय के रुम नम्बर-31 म जमा करे जाही। अन्तर्राज्यीय यात्रा अनुमति बर आवेदन करे समय बिहिनिया 11 बजे ले मंझनिया 02 बजे तक निर्धारित करे गे हवय। अनुमति/आदेश पाए के समय संझा 05 बजे ले 5ः30 बजे तक हे । पास बर आधार कार्ड के प्रति (प्रत्येक के), वाहन चालक के लायसेंस, संबंधित वाहन के आरसी, शोक पत्र/मृत्यु प्रमाण पत्र, विवाह प्रमाण पत्र, चिकित्सा प्रपत्र/आने आवश्यक दस्तावेज संलग्न करे बर होही ।
अन्तर्राज्यीय यात्रा बर ऑफलाईन आवेदन पत्र तको स्वीकार : ई-पास बर अपर कलेक्टर नोडल अधिकारी
