रइपुर, 10 मई 2021 सम्मार। प्रदेश म कोरोना संक्रमण के रोकथाम अउ कोरोना मरीज मन के स्वास्थ्य के बने उपचार होवय एकर बर राज्य सरकार कोति ले सरलग स्वास्थ्य सुविधा मन म बढ़ौतरी करे जावत हे । एकरे संग कोरोना संक्रमण ले सुरक्षा बर वैक्सिनेशन ल जरूरी बतावत सबो पात्र लोगन ले टीका लगवाए के अपील करे गे हे। इही उद्देश्य ले जिला प्रशासन सूरजपुर के पहल म बिहान महिला समूह के जिला अउ जनपद स्तरीय अमला डाहर ले 400 ले जादा सामुदायिक संवर्ग ल ऑनलाईन माध्यम ले प्रशिक्षण देहे गइस। प्रशिक्षण म मुख्य रूप ले मास्क के सही ढंग से उपयोग अउ अनिवार्यता, टीकाकरण के प्रक्रिया, टीकाकरण पीछू सावधानी, व्यक्तिगत स्वच्छता, स्थानीय स्तर म उपलब्ध संसाधन मन के उपयोग करत शरीर के रोगप्रतिरोधक क्षमता बढ़ाये के उपाय, कोविड संक्रमण के दौरान ईलाज अउ आईसोलेशन, बाहिर ले आए लोगन मन के कोविड जांच आदि के विषय म जानकारी देहे गइस।
इही क्रम म महिला स्व-सहायता समूह के सदस्य अउ सामुदायिक कैडर स्वास्थ्य अमला, मितानिन अउ आंगनबाड़ी कार्यकर्ता मन संग कोरोना के रोकथाम, टीकाकरण, होम आईसोलशन के विषय म दुवार—दुवार घूम के अउ भीथिया लेखन के माध्यम ले जागरूकता फैलाए के बूता करत हे। इंकर मन डाहर ले होम आईसोलशन म रहइया मनखे मन के निगरानी म तको मितानित अउ आंगनबाड़ी कार्यकर्ता मन के सहयोग लेहे जावत हे। बिहान ले जुडे़ं सबो अमला ल मुख्य रूप ले बाहर ले आये मनखे मन के निगरानी, सर्दी-खांसी या आने लक्षण दिखे म कोविड टेस्ट के सलाह देना, संक्रमित सदस्य के परिवार वाले मन ल सावधानी बरते बर प्रोत्साहित करना, गांव म जागरूकता बर दीवार लेखन करना, टीकाकरण बर आमजन ल प्रोत्साहित करना, कोविड के दौरान अउ कोविड संक्रमण ठीक होए म आवश्यक सावधानी आदि के बारे म प्रचार-प्रसार करे बूता करे जावत हे । ये सामुदायिक कैडर मन कोति ले दुवार —दुवार घूम के टीकाकरण बर लोगन ल प्रोत्साहित करे के बूता तको करे जावत हे।
