पीएम केयर फंड ह डीआरडीओ कोति ले विकसित एसपीओ 2 आधारित ऑक्सीजन आपूर्ति प्रणाली के 1.5 लाख इकाइ मन के अधिग्रहण ल अनुमति दीस

दिल्‍ली, 13 मई 2021। पीएम केयर फंड ह रक्षा अनुसंधान अउर विकास संगठन (Defense Research and Development Organization) कोति ले 322.5 करोड़ रूपिया के लागत ले विकसित ‘ऑक्सीकेयर’ प्रणाली के 1,50,000 इकाइ मन के खरीद बर मंजूरी प्रदान करे हे। ऑक्सीकेयर एक एसपीओ 2 आधारित ऑक्सीजन आपूर्ति प्रणाली हे जेन एसपीओ 2 के स्तर के आधार म रोगी मन ल देहे जात ऑक्सीजन ल नियंत्रित करथे। ये मंजूरी के तहत नॉन रिब्रीदर मास्क के संग 1,00,000 मैनुअल अऊ 50,000 ऑटोमैटिक ऑक्सीकेयर प्रणाली खरीदे जात हे।
ऑक्सीकेयर प्रणाली एसपीओ 2 के स्तर के आधार म न्यूनतापूरक ऑक्सीजन बचाथे अऊ मनखे ल हाइपोक्सिया के स्थिति म पहुंचे ले रोकथे जेन घातक हो सकत हे। ये प्रणाली बहुत ऊंचाई वाले क्षेत्र मन म तैनात सैनिक मन बर डीआरडीओ के रक्षा जैव-इंजीनियरिंग अऊ इलेक्ट्रो मेडिकल प्रयोगशाला (Defense Bio-Engineering and Electro Medical Laboratory), बेंगलुरु कोति ले विकसित करे गए रहिस। ये प्रणाली समतल क्षेत्र मन म उपयोग करे बर स्वदेशी रूप ले विकसित करे गए हे अऊ मज़बूत हे। एकर उपयोग कोविड-19 रोगी मन के इलाज बर प्रभावी ढंग ले करे जा सकत हे।
सिसटम के दू स्वरूप मन ल विन्यासित करे गए हे। असली संस्करण म 10 लीटर ऑक्सीजन सिलेंडर, एक दबाव नियामक सह प्रवाह नियंत्रक, एक ह्यूमिडिफायर अऊ एक नैज़ल कैनुला सामिल हे। ऑक्सीजन प्रवाह ल एसपीओ 2 रीडिंग के आधार म मैन्युअल रूप ले विनियमित करे जाथे। दूसर विन्यास म ऑक्सीजन सिलेंडर इलेक्ट्रॉनिक नियंत्रण ले लैस हे जेन अपन-अपन रूप ले कम दबाव वाले नियामक अऊ एसपीओ 2 जांच के माध्यम ले ऑक्सीजन प्रवाह ल नियंत्रित करे हे।
एसपीओ 2 आधारित ऑक्सीजन आपूर्ति प्रणाली रोगी के एसपीओ 2 रीडिंग के आधार म ऑक्सीजन के खपत ल मनमाफिक करथे अऊ प्रभावी रूप ले पोर्टेबल ऑक्सीजन सिलेंडर के क्षमता म बढ़ोतरी करथे। प्रणाली ले ऑक्सीजन के प्रवाह शुरू करे बर थ्रेशोल्ड एसपीओ 2 के मात्रा स्वास्थ्य कर्मी मन कोति ले एडजस्ट करे जा सकत हे। एसपीओ 2 के स्तर के लगातार निगरानी बर एक डिस्प्ले प्रदान करे जाथे। स्वास्थ्य सेवा देवईया कर्मचारी मन के कार्यभार अऊ एक्सपोज़र नियमित माप अऊ ऑक्सीजन प्रवाह के मैनुअल समायोजन के जरूरत ल ख़त्म करे ले काफी हद तक कम हो जाथे।
अपने अपन प्रणाली कम एसपीओ 2 वैल्यू अऊ प्रोब डिस्कनेक्शन समेत विफलता के कई ठन स्थिति मन बर उपयुक्त ऑडियो चेतावनी घलोक प्रदान करथे। नॉन-रिब्रीदर मास्क ल ऑक्सीजन के कुशल उपयोग बर ऑक्सीकेयर प्रणाली के संग एकीकृत करे जाथे जेखर परिणामस्वरूप 30 ले 40 प्रतिशत ऑक्सीजन के बचत होथे। हर मरीज बर नॉन रिब्रीदर मास्क बदले के जरूरत होथे। ए ऑक्सीकेयर प्रणाली मन के उपयोग घर, क्वारंटाइन केंद्र, कोविड केयर केंद्र अऊ अस्पताल मन म करे जा सकत हे।
डीआरडीओ ह ये तकनीक ल भारत म कई उद्योग मन ल हस्तांतरित कर देहे हे जेन ऑक्सीकेयर प्रणाली मन के उत्पादन करईया हें।