दिल्ली, अकती 2021। कोविड-19 महामारी संग लड़ई म भारत के उदीम मन ल पंदोली देहे बर भारत सरकार ल दुनिया के कई ठन देश मन ले अंतरराष्ट्रीय अनुदान अऊ कोविड-19 राहत चिकित्सा सामान अऊ उपकरण मिलत हे। विदेश मन ले मिलईया राहत सामान के ये सिलसिला 27 अपरेल, 2021 ले सरलग जारी हे।
इही कड़ी म अब तक 9000 ले जादा ऑक्सीजन कंसन्ट्रेटर, 11,800 ले जादा ऑक्सीजन सिलेंडर, 19 ऑक्सीजन जनरेशन प्लांट, 6400 ले जादा वेंटिलेटर्स/ बीआई पीएपी अऊ करीब 4.22 लाख रेमडेसिविर इंजेक्शन ल राज्य मन ल भेजे गए हे। 12 मई, 2021 के जेन देश मन ह प्रमुख रूप ले बड़े पैमाना म राहत सामान भेजे हे, ओमां कुवैत, सिंगापुर, गिलियाड, स्विज़रलैंज, स्पैन, मिश्र आदि सामिल हे। इमन रेमडेसिविर 86,595 के इंजेक्शन, 4,802 ऑक्सीजन कंसन्ट्रेटर, 10 वेंटिलेटर्स अऊ 141 टेस्टिंग किट भेजे हें।
केन्द्र सरकार ह बिदेस ले आए कोविड राहत समान ल लऊहे राज्य मन ल भेजही
