- छत्तीसगढ़ ल ए आयु वर्ग बर अब तक 7.97 लाख टीका के आपूर्ति, सबो जिला मन म चारो वर्ग बर टीका उपलब्ध
- सीजी टीका वेब पोर्टल के माध्यम ले टीकाकरण बर करा सकत हें पंजीयन
- प्रदेश म पहली अऊ दुसर खुराक मिलाके कुल 65.38 लाख टीकाकरण
रायपुर. 17 मई 2020। छत्तीसगढ़ म 18 ले 44 साल आयु वर्ग के टीकाकरण तेजी ले करे जात हे। प्रदेश म अब तक (16 मई तक) ए आयु वर्ग के चार लाख 77 हजार 044 युवा मन ल टीका लग गे हे। एमां अंत्योदय राशनकार्डधारी परिवार के 83 हजार 303, बीपीएल वर्ग के दू लाख चार हजार 603, एपीएल के एक लाख 33 हजार 181 अऊ 55 हजार 957 युवा फ्रंटलाइन वर्कर्स सामिल हे। प्रदेश ल ए आयु वर्ग के टीकाकरण बर अब तक कुल सात लाख 97 हजार टीका के आपूर्ति होए हे जेला सबो जिला मन ल वितरित कर दे गए हे। चारो वर्ग के टीकाकरण बर सबो जिला मन म टीका उपलब्ध हे।
प्रदेश के 18 ले 44 साल के युवा टीकाकरण बर राज्य शासन के वेब पोर्टल cgteeka.cgstate.gov.in के माध्यम ले पंजीयन करा सकत हें। ए आयु वर्ग बर एके टीकाकरण केंद्र म अलग-अलग वर्ग बर बनाय गए साइट्स म टीका के वेस्टेज रोके बर वायल म बचे टीका ल आपस म साझा करे जात हे। एखर से टीका ल बर्बाद होए ले बचाय म बहुत मदद मिलत हे।
प्रदेश म 18 ले 44 आयु वर्ग ल कोरोना ले बचाव बर लगाए गए पहिली टीका अउर 45 साल ले जादा के मनखे मन ल लगाए गे पहिली अऊ दूसर डोज ल मिलाके कुल 65 लाख 38 हजार 063 टीका लगाए गए हे। एमां तीन लाख चार हजार 056 स्वास्थ्य कर्मी, तीन लाख तीन हजार 761 फ्रंटलाइन वर्कर्स, 45 साल ले जादा के 43 लाख 74 हजार 937 नागरिक अऊ 18 ले 44 साल के चार लाख 77 हजार 044 युवा सामिल हें। प्रदेश भर के कई ठन टीकाकरण साइट्स म हरदिन बड़ संख्या म 45 साल ले जादा के नागरिक अऊ 18 ले 44 साल के युवा मन ल टीका लगाए जात हे। व्यापक स्तर म टीकाकरण ले कोरोना संक्रमण के प्रसार रोके म बहुत मदद मिलत हे।
