रइपुर, 27 मई 2021 बिरस्पत। देश म कोेरोेना गांव कोति घुसरत हे उहेेंंचे बने खबर ये हेे कि छत्तीसगढ़ के करीब 10 हजार गांव पूरी तरह संक्रमण मुक्त हवय। ये गांव मन तक या तो संक्रमण पहुंचेे नइ पाइस या फेेर ओला संक्रमण लेे लउहे मुक्ति मिल गेे हेे। समय रहिते छत्तीसगढ़ सरकार कोति ले गांव मन तक संक्रमण के छेंंका बर शुुरू करे गे उदीम मन के सेति ये संभव हो पाइस।
राज्य के नगरीय क्षेत्र मन म कोरोना के दूसरइया लहर केे शुरुआत होते साथ मुख्यमंत्री दाउ भूपेश बघेल ह निर्देश दिए रिहिन हे कि गंवई कोति संक्रमण के छेेंंका बर जरूरी कदम उठाए जावय। जेकर ले पहली लहर के पइत गांव मन म स्थापित क्वारंटाइन सेंटर मन ल पहिलीच ले जादा पोठ बेवस्था करके फेर सक्रिय करे गइस। आने राज्य या शहरी क्षेत्र ले गांव लहुटइया मनखे अउ परिवार केे मन ल इही सेंटर म ठहराए, उन्कर जांच अउ उपचार के बेवस्था करे गईस। घरो-घर सर्वेक्षण करके संक्रमित मन के पता लगाए बर मितानिन, अउ स्वास्थ्य विभाग संग आंगनबाड़ी कार्यकर्ता अउ शिक्षक मन ल तको सक्रिय करे गइस। जेमन सर्दी-बुखार के मरीज मन के पहिचान करे के संगे-संग उन्कर उपचार म तको अपन भागीदारी निभाईन।
मुख्यममंत्री दाउ बघेल के निर्देश म समय रहिते गांव-गांव तक आवश्यक दवाई किट के आपूर्ति अउ उन्कर वितरण सुनिश्चित करे गइस। जिला पंचायत ले ग्राम पंचायत तक के नेटवर्क के जरिया कोरोना नियंत्रण बर करे जावत उपाय मन के मानिटरिंग मुख्यमंत्री सवांगे करत हावय। वीडियो कान्फ्रेंसिंग ले जन-प्रतिनिधि मन ल सरलग प्रेरित करत हावय, फीडबैक के आधार म अधिकारी मन निर्देशित तको करत हावय। राज्य म टेस्टिंग सुविधा बढ़ाए बर सरलग नवा लैब स्थापित करे ले रोज होवइया टेस्टिंग के संख्या 21-22 हजार ले बाढ़के अब रोजीना 70 हजार ले जादा होगे हे। जिला अस्पताल ले प्राथमिक स्वास्थ्य केंद्र मन तक स्वास्थ्य अधोसंरचना ल मजबूत करे गे हे। अस्पताल मन म पहिलीच ले उपलब्ध बिस्तर मन के संख्या म बढ़ोतरी के संगे संग नवा कोविड सेंटर मन के स्थापना करके उपचार सुविधा ल ग्रामीण क्षेत्र तक पहुंचाए गइस। ग्रामीण क्षेत्र के गंभीर मरीज मन लउहे अस्पताल पहुंचाए बर एंबुलेंस अउ आने वाहन मन के संख्या म बढ़ोतरी करे गईस।
राज्य शासन डाहर ले माइक्रो लेबल तक करे गे चाक- चौबंद बेवस्था के सेति छत्तीसगढ़ के कुल 20 हजार 092 गांव म ले करीब आधा, 9 हजार 462 गांव आज कोरोना के संक्रमण ले मुक्त हवय। एमा बालोद जिला के 704 म ले 183 गांव, बलौदाबाजार जिला के 957 म ले 402, बलरामपुर जिला के 636 म ले 102, बस्तर जिला के 589 म ले 252, बेमेतरा जिला के 702 म ले 311, बीजापुर जिला के 579 म ले 491, बिलासपुर जिला के 708 म ले 96, दंतेवाड़ा के 229 म ले 158, धमतरी जिला के 633 म ले 176, दुर्ग जिला के 385 म ले 377, गौरेला-पेंड्रा-मरवाही जिला के 222 म ले 39, गरियाबंद जिला के 722 म ले 342 गांव संक्रमण मुक्त हवय । अइसनेहे जांजगीर-चांपा जिला के 887 म ले 150 गांव, जशपुर जिला के 766 म ले 319, कांकेर जिला के 1084 म ले 792, कबीरधाम जिला के 1035 म ले 832, कोंडागांव जिला के 569 म ले 407, कोरबा जिला के 716 म ले 280, कोरिया जिला के 638 म ले 352, महासमुंद जिला के 1153 म ले 532, मुंगली जिला के 711 म ले 338, नारायणपुर जिला के 422 म ले 362, रायगढ़ जिला के 1435 म ले 173, रायपुर जिला के 478 म ले 261, राजनांदगांव जिला के 1599 म ले 1204, सुकमा जिला के 406 म ले 194, सुरजपुर जिला के 544 म ले 140 अउ सरगुजा जिला के 583 गांव म ले 197 गांव संक्रमण मुक्त हवयं।
