बेमेतरा 28 मई 2021 शुकवार। महात्मा गाँधी नरेगा अंतर्गत जिला बेमेतरा म ग्ंवई मजदूर मन ल रोजगार प्रदाय करे के पहल कर देहे गे हे। गांवे म रोजगार पाए ले गंवइहा लोगन मन म उछाह के संगे संग गंवई अर्थव्यवस्था तको पोठ होवत हे। कोरोना महामारी ले पूरा विश्व वर्तमान प्रभावित हे। बेमेतरा जिला अउ छत्तीसगढ़ राज्य तको ये महामारी के प्रकोप ले अछूता नइ हे । जिला कलेक्टर श्री शिव अनंत तायल अउ मुख्य कार्यपालन अधिकारी जिला पंचायत बेमेतरा श्रीमती रीता यादव के अगुवई म जिला प्रशासन कोति ले जिला म लॉकडाउन लगाके कोरोना वायरस के फैलाव ल रोके म काफी हद तक सफलता पाइन हेे । ग्रामीण स्तर म सम्भावित लक्षण वाले मनखे मन ल आवश्यक दवई अउ जादा ले जादा लोगन ल वैक्सीनेशन करे के प्रयास करे जावत हे।
जिला कलेक्टर श्री शिव अनंत तायल के निर्देशानुसार सबो ग्राम पंचायत म महात्मा गाँधी नरेगा अंतर्गत रोजगार मूलक कार्य चलत हे । ये महामारी म आम जन ल आर्थिक समस्या ल देखत गंवई परिवार मन ल रोजगार उपलब्ध कराए बर श्रीमती रीता यादव मुख्य कार्यपालन अधिकारी जिला पंचायत बेमेतरा के मार्गदर्शन म महात्मा गांधी राष्ट्रीय ग्रामीण रोजगार गारंटी योजना अंतर्गत गांव-गांव म कोरोना प्रोटोकॉल के पालन करत कार्य प्रारंभ को जावत हे। वर्तमान म जिला म लगभग 65 हजार श्रमिक कार्यरत हवयं जेमन ल महात्मा गांधी नरेगा अंतर्गत निजी डबरी, नाली निर्माण, तालाब गहरीकरण, तालाब निर्माण, भूमि सुधार, नाला सफाई आदि कार्य मन म नियोजित करके रोजगार उपलब्ध कराये जावत हावय।
मुख्य कार्यपालन अधिकारी जनपद पंचायत बेमेतरा श्री रवि कुमार अउ श्री संदीप वारे कार्यक्रम अधिकारी मनरेगा कोति ले श्रमिक मन ल पंचसूत्र (घर ले निकलत बेरा अउ काम के बेरा मुंह अउ नाक ल साफ मास्क ले ढकके रखै, कार्य स्थल म दू गज दूरी बनावै, साबुन ले घेेरी बेेरी हाथ धोवत रहै, पौष्टिक आहार लेवै अउ गर्म पानी पियै, लक्षण आए म नजदीकी स्वास्थ्य केंद्र म जाँच करावै) के पालन करे के समझाईस देहे गेहे। मनरेगा कार्य स्थल म ग्रामीण मन ल कोरोना वायरस ले बचाव अउ जादा ले जादा लोगन मन ल वैक्सीन लगवाए बर प्रेरित करे जावत हे अवइया वर्षा ऋतु ल धियान म रखत वर्षा जल ल यथासंभव रोके बर प्रयास करे बर ग्रामीणों ल उत्साहित करे गे हे जेकर ले भूमिगत जल म बढ़ौतरी हो सकै।
