बेमेतरा 28 मई 221 शुकवार। छत्तीसगढ़ राज्य सहकारी विपणन संघ के महाप्रबंधक के बताती राज्य के किसान मन ल डीएपी उर्वरक 1200 रूपिया प्रति बोरी के दर म देह जाही । भारत सरकार कोति ले डीएपी उर्वरक म 20 मई ले सब्सिडी बढ़ाए के सेति खाद के बाढ़े कीमत म कमी आईस हे । डीएपी उर्वरक निर्माता कंपनी मन डाहर ले खाद के दाम म एकाएक प्रति बोरी लगभग 900
रूपिया बढ़ाए ले एकर 1200 रुपिया प्रति बोरी ले बाढ़के लगभग 1900 रुपिया प्रति बोरी हो गे रिहिसे, जउन ह सरकार डाहर ले सब्सिडी बढ़ाए ले फेर घटके 1200 रूपिया प्रति बोरी होगे हे।
खरीफ सीजन 2021 बर राज्य म डीएपी उर्वरक के आपूर्ति बर छत्तीसगढ़ राज्य सहकारी विपणन संघ कोति ले आमंत्रित निविदा म निर्माता कंपनी मन प्रति बोरी डीएपी खाद के सप्लाई बर 1800 रुपिया ले 2026 रूपिया के दर देहे रिहिन। राज्य स्तरीय उर्वरक क्रय समिति डाहर ले राज्य म डीएपी उर्वरक के उपलब्धता सुनिश्चित करे बर प्रदायक मन ले 1800 से लेके 1950 रुपिया एमआरपी प्रति बोरी के दर ले डीएपी क्रय करेे के निर्णय लिए रिहिन। छत्तीसगढ़ राज्य सहकारी विपणन संघ के महाप्रबंधक के बताती 20 मई 2021 ले पूर्व प्रदायक मन डाहर लेे राज्य ल 30,119 मेट्रिक टन डीएपी उर्वरक के आपूर्ति करे गे रिहिन। उर्वरक के उक्त मात्रा म अतिरिक्त सब्सिडी के संबंध म भारत सरकार ले अभीन दिशानिर्देश नइ मिलेे हे । सब्सिडी बढ़ाए के निर्देश मिलते साथ 20 मई ले पूर्व प्रदायक मन डाहर ले दिए गे डीएपी उर्वरक के उक्त मात्रा म तको 1200 रुपिया प्रति बोरी के नवा दर लागू करे जाही। छत्तीसगढ़ राज्य म 20 मई के बाद प्रदायक मन डाहर ले प्रदाय करे गे डीएपी उर्वरक के कीमत 1200 रुपिया प्रति बोरी निर्धारित कर देहे गे हवय अउ किसान मन ल 1200 रुपिया प्रति बोरी म उपलब्ध कराए के निर्देश दिए गे हवय।
