124 नक्सल प्रकरण मन म 218 अभियुक्त मन होइन दोषमुक्त
जस्टिस पटनायक कमेटी के अनुशंसा अऊ पुलिस विभाग के जल्दी कार्यवाही ले निर्दोष आदिवासी मन ल मिलीस राहत
रायपुर, 04 जून 2021/ छत्तीसगढ़ के नक्सल पीडि़त क्षेत्र मन म अनुसूचित जनजाति वर्ग के रहवासी मन ऊपर दर्ज मुकदमा मन के समीक्षा के बाद 31 मई 2021 तक कुल 718 प्रकरण मन म दोषमुक्त अऊ प्रकरण वापसी के कार्यवाही के बाद कुल 944 आरोपी मन ल राहत मिले हे।
जानबा हे कि सुरक्षा, विश्वास अऊ विकास के नीति ऊपर अमल करत मुख्यमंत्री श्री भूपेश बघेल ह नक्सल प्रभावित क्षेत्र के निर्दाेष आदिवासी मन के विरूद्ध दर्ज प्रकरण के वापसी बर सर्वोच्च न्यायालय के सेवानिवृत्त न्यायाधीश श्री ए.के.पटनायक के अध्यक्षता म कमेटी के गठन करे गए हे, एति जिला प्रशासन अऊ पुलिस विभाग ल घलोक आदिवासी मन के विरूद्ध दर्ज नक्सल मामला के छानबीन करके निर्दाेष आदिवासी मन ल राहत प्रदान करे के निर्देश देहे गए रहिस हे।
न्यायालय के माध्यम ले आदिवासी मन के विरुद्ध दर्ज प्रकरण मन के वापसी बर जस्टिस पटनायक कमेटी के आगू प्रकरण विचार बर प्रस्तुत करे गये रहिस , जेमा ले समिति ह 627 प्रकरण मन के वापसी बर अनुशंसा करे गए हे। पटनायक समिति के अनुशंसा के आधार म न्यायालय ले 594 प्रकरण वापस लेहे जात हे जेकर से 726 मनखे मन ल लाभ मिलहि। अभी हाल म सिरिफ 33 प्रकरण न्यायालय ले वापसी बर लंबित हे।
अइसनहे पुलिस विभाग ले 365 नक्सल प्रकरण मन ल न्यायालय मन म स्पीडी ट्रायल बर चिन्हित करे गीस जेमां न्यायालय से 124 प्रकरण मन ल दोषमुक्त करत 218 आरोपी मन ल लाभान्वित करे गए हे। ये मां दंतेवाड़ा जिला के 24 प्रकरण मन म 36 मनखे मन ल, बीजापुर जिला म 44 प्रकरण मन म 47 मनखे मन ल, नारायणपुर जिला म 7 प्रकरण मन म 9 मनखे मन ल अऊ कोण्डागांव जिला म 3 प्रकरण मन म 9 आरोपी मन ल दोषमुक्त करे गए हे। अइसनहे कांकेर जिला म 1 प्रकरण म 6 मनखे मन ल, सुकमा जिला म 44 प्रकरण मन म 109 मनखे मन ल अऊ राजनांदगांव जिला म 1 प्रकरण म 2 आरोपी मन ल दोषमुक्त करे गए हे।
निर्दोष आदिवासी मन के 718 प्रकरण ल लेहे गीस वापस, 944 मनखे मन ल मिलीस राहत: नक्सली बतात दर्ज करे गए रहिस मामला
