रइपुर, 15 जून 2021 मंगल । उत्तर-छत्तीसगढ़ म एयर-कनेक्विटी बर एक अउ कदम बढ़ावत आज मुख्यमंत्री दाउ भूपेश बघेल ह 44 करोड़ रूपिया के लागत ले अंबिकापुर के मां महामाया हवई अड्डा के उन्नयन कार्य के भूमिपूजन करीन । ये बेरा म मुख्यमंत्री ह कहीन कि सरगुजा म हवाई-सेवा शुरु होए ले अंबिकापुर, बलरामपुर, सूरजपुर, कोरिया, जशपुर के विकास तो तेज होहीच, पूरा प्रदेश के विकास ल अउ अधिक गति मिलही। ये ह केवल सरगुजा संभाग के लोगन मन भर के नहीं भलकुन पूरा छत्तीसगढ़ के सपना हरे। मुख्यमंत्री आज अपन घरू कार्यालय ले सरगुजा अउ बलरामपुर-रामानुजगंज जिले ल 324 करोड़ 42 लाख रूपिया लागत के 302 ठन कार्य के सौगात दीन । उन मन सरगुजा जिला म 247 करोड़ 91 लाख रूपिया के 107 ठिन आनी बानी के विकास कार्य मन के अउ रामानुजगंज-बलरामपुर जिला म 76 करोड़ 51 लाख 88 हजार रूपिया के 195 ठिन विकास कार्य के वर्चुअल लोकार्पण अउ भूमिपूजन करीन ।
ये बेरा म नगरीय प्रशासन अउ विकास मंत्री अउ सरगुजा जिला के प्रभारी मंत्री डॉ. शिवकुमार डहरिया, उच्च शिक्षा मंत्री अउ बलरामपुर-रामानुजगंज जिला के प्रभारी मंत्री श्री उमेश पटेल, गृह मंत्री श्री ताम्रध्वज साहू, स्वास्थ्य मंत्री श्री टी.एस. सिंहदेव, खाद्य मंत्री श्री अमरजीत भगत, स्कूल शिक्षा मंत्री डॉ. प्रेमसाय सिंह टेकाम, मुख्यमंत्री के अपर मुख्य सचिव श्री सुब्रत साहू मुख्यमंत्री निवास में उपस्थित थे। संसदीय सचिव श्री चिंतामणि महाराज, विधायक श्री बृहस्पत सिंह, डॉ. प्रीतमराम कार्यक्रम म वीडियो कॉन्फ्रेंसिंग ले जुड़ीन।
मुख्यमंत्री ह कहीन कि हवाई-सेवा शुरु होए ले सरगुजा संग जम्मो छत्तीसगढ़ म विकास अउ पर्यटन ल बढ़ावा मिलही। बेलासपुर के बिलासा बाई केंवट एयरपोर्ट ले प्रयागराज, दिल्ली अउ जबलपुर बर हवाई-सेवा शुरु होगे हे। ओइसेनेहे जगदलपुर के मां दंतेश्वरी एयरपोर्ट ले हैदराबाद अउ रइपुर बर सरलग उड़ान होही।
