रइपुर. 19 जून 2021 शनिच्चर। मुख्यमंत्री दाउ भूपेश बघेल ह आज इहां अपन रइपुर घरू कार्यालय म होवइया वर्चुअल कार्यक्रम म कांकेर जिले में 152 करोड़ 59 लाख रूपए की लागत के 145 कार्यों का लोकार्पण और शिलान्यास करीन। जेमा 105 करोड़ 23 लाख रूपिया लागत के 38 ठिन बूता मन के लोकार्पण अउ 47 करोड़ 36 लाख रूपिया लागत के 107 ठिन बूता मन के भूमिपूजन करे गइस। मुख्यमंत्री ह कार्यक्रम म राज्य शासन के अबड़ अकन योजना मन के लाभार्थी मन ले सोज्झे संवाद तको करीन।
लोक स्वास्थ्य यांत्रिकी मंत्री श्री गुरू रूद्रकुमार, कृषि मंत्री श्री रविन्द्र चौबे, उद्योग मंत्री श्री कवासी लखमा, स्कूल शिक्षा मंत्री डॉ प्रेमसाय सिंह टेकाम, सांसद श्रीमती फूलोदेवी नेताम, मुख्यमंत्री के सलाहकार श्री राजेश तिवारी, मुख्यमंत्री के अपर मुख्य सचिव श्री सुब्रत साहू, सचिव श्री सिद्धार्थ कोमल सिंह परदेशी रइपुर के मुख्यमंत्री घर संघरीन । विधानसभा के उपाध्यक्ष श्री मनोज सिंह मंडावी, संसदीय सचिव श्री शिशुपाल शोरी, विधायक श्री अनूप नाग वर्चुअल रूप ले कार्यक्रम म जुड़ीन।
