रइपुर. 25 जून 2021 शुकवार। कोरोना ले बचाव बर प्रदेश भर म अब तक (24 जून तक) कुल 82 लाख पांच हजार 631 टीका लगा डारे हवय। 45 बछर ले जादा के 46 लाख दस हजार 388 लोगन ल एकर पहिली टीका लग गे हवय, जोन ये वर्ग के टीकाकरण बर निर्धारित लक्ष्य के 79 प्रतिशत हवय। उहेंचे आठ लाख 13 हजार 105 लोगन ल दूनों टीका लग गे हवय । 18 ले 44 बछर उमर वर्ग म 16 लाख 63 हजार 584 युवा मन ल टीका के पहिली खुराक देहे गे हवय।
प्रदेश म 91 प्रतिशत स्वास्थ्य कर्मी मन ल कोरोना के पहिली मात्रा अउ 70 प्रतिशत ल दूसरइया मात्रा लगाए जा चुके हवय। उहेंचे शत-प्रतिशत फ्रंटलाइन वर्कर्स मन ल पहिली अउ 71 प्रतिशत ल दूसरइया टीका लगा डारे हवय । जेमा दू लाख 36 हजार 609 स्वास्थ्य कर्मी, दू लाख छै हजार 855 फ्रंटलाइन वर्कर्स, 45 बछर ले जादा के आठ लाख 13 हजार 105 नागरिक अउ 18 ले 44 उम्मर वर्ग के 52 हजार 415 युवा मन ल कोरोना ले बचाव के दूनों टीका लगाए जा चुके हे।
