रइपुर, 26 जून 2021 शनिच्चर। गँवई गाँव म स्वास्थ्य सुविधा अउ पोठ करे बर मुख्यमंत्री दाउ भूपेश बघेल ह अब निजी क्षेत्र के तको सहयोग लेहे के हुकुम देहे हे। मुख्यमंत्री ह कहीन कि गाँव गँवई म विशेषज्ञ चिकित्सक मन के सेवा मिलय, एकर बर सबो शासकीय अस्पताल मन म स्वास्थ्य सेवा के विस्तार के संगे—संग स्वास्थ्य अधोसंरचना के निर्माण म निजी क्षेत्र के सहयोग तको लेहे जाही। विशेषकरके गँवई कोति अस्पताल बनाए बर निजी क्षेत्र मन ल राज्य सरकार कोति ले अनुदान तको देहे जाही । ये अनुदान राज्य सरकार कोति ले सेवा क्षेत्र के उद्योग मन ल देहे जावत अनुदान के तहत होही। मुख्यमंत्री ह उद्योग विभाग ल अवइया 10 दिन म एकर कार्ययोजना तियार करे के हुकुम देहे हे।
अब गांव म तको बनही प्राइवेट अस्पताल : गँवइहा मन ल मिलही विशेषज्ञ चिकित्सक मन के सेवा
