दुर्ग, 21 जुलाई 2021। नगर निगम रिसाली म अवइया समय म निगम अउ भवन के संग सबो प्रकार के जरूरत वाले विकास कार्य मन ल जल्दीच मूर्त रूप मिलही। इहां नगर निगम अंतर्गत स्कूल, कालेज, अस्पताल संग सड़क, पानी के मूलभूत काम मन ल जल्दी पूरा करत निगम क्षेत्र ल विकसित करे जाही। ये दिशा म आवत जमीन संबंधी समस्या ल लेके गृह मंत्री ह जिला प्रशासन, निगम व बीएसपी के अधिकारी मन के बैठक करके आवत समस्या ल सुलझाए अऊ निगम के विकास के दिशा म कार्ययोजना बनाए ल कहिन। मंत्री श्री साहू ह रिसाली निगम बर पहिली आबंटित जमीन के हस्तांतरण म आवत समस्या ल जल्दी हल करे ल कहिन। उमन बैठक म निगम अंतर्गत स्वीकृत विकास कार्य अउ भविष्य म होवइया काम मन के घलोक जानकारी लीन। उमन कहिन कि जेन काम मन बर बजट आबंटन करे गए हे अऊ जेखर टेंडर हो गए हे, ओला जल्दी सुरू कराए जाय जेखर से निगम के असली जरूरत अऊ इहां रहइया नागरिक मन ल एकर लाभ मिल सकय। उमन विकास के दृष्टि ले अवइया समय बर रणनीति तियार करे अऊ एखर बर शासन ल घलोक अवगत कराए ल कहिन।
बैठक उमन म निगम क्षेत्र म प्रस्तावित योजना मन बर स्थल चयन करे निर्माणाधीन कार्य मन ल गुणवत्तापूर्ण निर्माण करे संग सुविकसित शहरी बसाहट बर सबो अधिकारी मन ल जिम्मेदारी पूर्वक काम करे ल कहिन।
नगर निगम रिसाली म विकास कार्यक्रम मन ल मूर्त रूप देहे जल्द सुलझही जमीन के समस्या
