रइपुर, 22 जुलाई 2021 बिरस्पत। मुख्यमंत्री दाउ भूपेश बघेल ह स्वतंत्रता संग्राम सेनानी लोकमान्य बाल गंगाधर तिलक अउ चंद्रशेखर आजाद के जयंती म उन मन नमन करीन हे। भारत के आजादी बर इन वीर सपूत मन के संघर्ष ल सुरता करत दाउ बघेल ह कहीन कि तिलक जी अउ आजाद जी ह अपन पूरा जीवन देश बर समर्पित कर दीन।
दाउ बघेल ह कहीन कि ‘स्वराज मोर जन्म सिद्ध अधिकार हरे अउ एला मैं लेके रहिहौं ।’ जइसन फौलादी नारा मन ले लोकमान्य तिलक जी ह स्वाधीनता संग्राम ल एक नवा दिशा दीन। गणेश उत्सव के शुरूआत करत उन मन लोगन ल एक ठो सूत्र म बांधीन। श्री चंद्रशेखर आजाद के बलिदान ल सुरता करत मुख्यमंत्री ह कहीन कि चंद्रशेखर आजाद जी के राष्ट्रभक्ति आज तको हजारों युवा मन म देश के प्रति सम्मान अउ नवा ऊर्जा के संचार करत हवय। मुख्यमंत्री ह कहीन कि आजादी बर ये महापुरूष मन के संघर्ष अउ अमर बलिदान हमन ल सरीदिन प्रेरित करत रहिही।
