गौठान मन म हरियर चारा बर नेपियर घास के रोपई

रइपुर, 03 अगस्त 2021 मंगल। मुख्यमंत्री दाउ भूपेश बघेल के मंशाअनुरूप सुराजी गांव योजना के तहत गांव गौठान मन म पशुधन ल हरियर चारा उपलब्ध कराए बर चारागाह विकास के संग-संग नेपियर घास के रोपई तेजी ले करे जावत हे। चारागाह मन म नेपियर घास के रोपई के अलावा हरियर चारा के की व्यवस्था बर ज्वार, मक्का, बाजरा आदि की तको बुआई करे जावत हे। छत्तीसगढ़ शासन के महात्वाकांक्षी योजना नरवा, गरूवा, घुरवा, बारी योजना के अंतर्गत राज्य म 10 हजार ले अधिक गौठान मन के निर्माण के स्वीकृति देहे गेहे,जेमा के लगभग 6 हजार गौठान निर्मित अउ संचालित होवत हे। मुख्यमंत्री के निर्देश के परिपालन म संचालित गौठान मन के संग-संग निर्माणाधीन गौठान मन म तको चारागाह विकास के बूता तेजी ले कराए जावत हे।
राज्य के सुदूर वनांचल जिला सुकमा म सुराजी गांव योजना के तहत विकसित 80 गौठान मन म चारागाह विकास के कार्य तेजी ले करे जावत हे। ये योजना के तहत् पशुधन विकास विभाग कोति ले जिला सुकमा, कोंटा अउ छिन्दगढ़ विकासखंड के गौठान ग्राम के चारागाह मन म पशुमन बर पौष्टिक हरियर चारा उपलब्ध कराए बर हाईब्रिड नेपियर घास के रोपई करे जा चुके हे। चारागाह बर आरक्षित भूमि ल तार ले फेंसिंग करके संरक्षित करे गे हे अउ सिंचाई सुविधा तको उपलब्ध करावत हे।
जिला म 88 गौठान स्वीकृत हे। जेमें विकासखण्ड सुकमा म 22, छिंदगढ म 39 अउ कोंटा म 19 ये तरा कुल 80 स्वीकृत हवयं। गौठान के 133.7 एकड़ भूमि म पशुधन विकास विभाग अउ गौठान प्रबंधन समिति के स्व-सहायता समूह कोति ले हाईब्रिड नेपियर घास के रोपई कार्य पूरा कर लिए गे हेवय।