रइपुर 14 अगस्त 2021 शनिच्चर। मुख्यमंत्री दाउ भूपेश बघेल ह स्वतंत्रता दिवस म प्रदेशवासी मन ल बधई अउ शुभकामना दीन हवयं। मुख्यमंत्री ह स्वतंत्रता दिवस के पहिली संझा म जारी अपन बधई संदेश म कहीन कि लाखों देशभक्त स्वतंत्रता संग्राम सेनानी मन के संघर्ष, समर्पण, त्याग अउ बलिदान ले हमन ल आजादी मिलीस हे। आजादी के ये परब हमन ल वो सबो अनाम योद्धा, शहीद अउ वीर जवान मन के सुरता देवाथे। जिन्कर बलबूता आज हमन आजाद वातावरण म सांस लेवत हावन। उन मन ल सुरता करके मन उन्कर प्रति सम्मान अउ गरब ले भर जथे।
मुख्यमंत्री के प्रदेशवासी मन ल ‘गढ़बो नवा छत्तीसगढ़‘ के परिकल्पना ले भरे स्वतंत्रता दिवस के शुभकामना
