रइपुर, 28 अगस्त 2021 शुकवार। छत्तीसगढ़ व्यक्तिगत अउ सामुदायिक वन अधिकार के दावा मन ल मान्यता देहे म पूरा देश म अव्वल हवय। इहां अब तक 4 लाख 86 हजार व्यक्तिगत अउ सामुदायिक वन अधिकार मान्यता पत्र के अंतर्गत 21 लाख 95 हजार 228 हेक्टेयर रकबा के भूइंया बाँटे गे हवय। जेमें व्यक्तिगत वन अधिकार मान्यता पत्र के तहत 4 लाख 41 हजार 502 हितग्राही मन ल 3 लाख 60 हजार 619 हेक्टेयर रकबा अउ 44 हजार 524 सामुदायिक वन अधिकार मान्यता पत्र के तहत 18 लाख 34 हजार 609 हेक्टेयर रकबा के बाँटे भूइंया संघरे हवय।
इही बेरा केन्द्रीय मंत्री श्री मुंडा ह छत्तीसगढ़ म जनजातीय वर्ग के लोगन मन के हित म चलावत कार्यक्रम मन के विस्तार ले जानकारी लीन अउ ओकर बने क्रियान्वयन सुनिश्चित करके ओला जादा ले जादा लाभ पहुंचाए बर हुकुम दीन। उन्मन जनजातीय वर्ग के समग्र उत्थान अउ उकन उद्यमिता दक्षता के विकास उपर विशेष जोर दीन। संग म प्रदेश के वनांचल अउ आदिवासी दूरस्थ क्षेत्र मन म जनजातीय वर्ग के स्वास्थ्य सुधार अउ बने जीवन-यापन के दिशा म संबंधित विभाग मन ल समन्वित रूप ले बूता करे बर तको कहीन। उन मन छत्तीसगढ़ म जनजातीय वर्ग के विकास खातिर कार्यक्रम मन के संचालन बने ढंग होवत हावय तेला सहराइस तको।
