राजधानी रायपुर म शुरू होही बैडमिंटन अकादमी: मुख्यमंत्री ह करिन घोषणा

रायपुर, मुख्यमंत्री श्री भूपेश बघेल ह आज अपन निवास कार्यालय म आयोजित बैठक म कई ठन खेल संघ मन के प्रतिनिधि मन अऊ खिलाड़ी मन के संग प्रदेश म खेल मन ल बढ़ावा देहे, खेल सुविधा मन के विकास अऊ खेल प्रतिभा मन ल निखारे ले सम्बंधित विषय मन उपर विस्तार के संग विचार-विमर्श करिन। श्री बघेल ह ये मौका म राज्य के राजधानी रायपुर म बैडमिंटन अकादमी शुरू करे के घोषणा करिन। बैठक म खेल अउ युवा कल्याण मंत्री श्री उमेश पटेल घलोक वर्चुअल रूप ले जुडि़न। बैठक म खिलाड़ी मन अऊ खेल संघ मन के अधिकारी मन ह बहुत अकन उपयोगी सुझाव घलोक दीन।
मुख्यमंत्री निवास म संसदीय सचिव श्री विनोद सेवनलाल चंद्राकर, मुख्यमंत्री के सचिव श्री सिद्धार्थ कोमल सिंह परदेशी, खेल अउ युवा कल्याण विभाग के सचिव श्री नीलम नामदेव एक्का, संचालक खेल श्रीमती श्वेता श्रीवास्तव सिन्हा, छत्तीसगढ़ ओलंपिक संघ के महासचिव श्री गुरुचरण सिंह होरा, संग ओलंपिक संघ अऊ कई ठन खेल संघ मन के पदाधिकारी, सर्वश्री संजय मिश्रा, बशीर अहमद खान, साईराम जाखड़, मनीष श्रीवास्तव, मनोज अग्रवाल, अनिल पुसदकर, विष्णु श्रीवास्तव, अंतरराष्ट्रीय हॉकी खिलाड़ी पदमश्री सबा अंजुम, हॉकी खिलाड़ी मृणाल चौबे, वेटलिफ्टर आकाशदीप सारंग संग बहुत अकन खिलाड़ी उपस्थित रहिन।