दुर्ग, मुख्यमंत्री श्री भूपेश बघेल आज दुर्ग जिला के सेलूद म आयोजित सहकारिता सम्मेलन म बेमेतरा म सहकारी बैंक के नवा भवन के घोषणा करिन। ये भवन 96 लाख के लागत ले बनाय जाही। उमन सहकारिता सम्मेलन म कहिन कि सहकारिता कानून अतीक क्लिष्ट हे, आम जनता ल ये ह समझ म नइ आवत रहिस। जेकर सेती मनखे मन ल अड़बड़ परेशानी होत रहिस। हमन सरकार म आतेच ए कानून मन ल सरल करे बर कहेन ताकि आम जनता ल घलोक ये आसानी ले समझ म आवय अऊ ऊंखर बर सहकारिता ले लाभ उठाना आसान होवय।
प्रदेश म सहकारी कानून मन के होही सरलीकरण: मुख्यमंत्री दाऊ भूपेश बघेल
