कोरबा, कोरोना के तीसर संभावित लहर संग दुसर बीमारी मन ले जूझत कटघोरा के मरीज अऊ सड़क दुर्घटना म घायल होए मनखे मन के जान बचाय बर राहत के बड़का खबर आए हे। कटघोरा विकासखण्ड मुख्यालय के सामुदायिक स्वास्थ्य केन्द्र म अब 24 घंटा चलइया ऑक्सीजन प्लांट मरीज मन बर चालू हो गए हे। ये प्लांट के स्थापना सामुदायिक स्वास्थ्य केन्द्र के परिसर म ही करे गए हे। ये यूनिट प्रेशर स्विंग एब्जारशन टेक्नोलॉजी (पीएसए) उपर आधारित हे। ये यूनिट म लगे उपकरण वायुमण्डल के हवा ल खीचंके वोमें मौजूद ऑक्सीजन ल कंसन्ट्रेट करथे। ये शुद्ध ऑक्सीजन ल फेर पाईपलाइन के माध्यम ले मरीज मन तक पहुंचाए जाथे।
कटघोरा वाले मन बर राहत भरे खबर: सामुदायिक स्वास्थ्य केन्द्र म शुरू होइस ऑक्सीजन प्लांट
